Chris Patten

Chris Patten ma töi sanau khönia Christopher Francis, Baron Patten of Barnes (★ 12 Mei 1944) no niha Inggris si tobali gubernur afuriata Hong Kong moroi ba 1992 irugi 1997. Fatua lö igogohe halöŵö gubernur Hong Kong no ketua Partai Konservatif Inggris ia (1990-1992). I'otarai 2003 tobali ia Ketua Universitas Oxford.

Chris (ba gambölö) faoma Menteri Luar Negeri Amerika Serikat Mike Pompeo

Fa'auri

Tumbu Chris khö sambua zoroiyomo nga'ötö niha Irlandia ba London. Me no aefa SMA itohugö zekolania ba Balliol College, Oxford irege awai me 19965. Faudu göi isöndra beasiswa ba we'amöi ba Amerika Serikat. Ba da'ö tobali ia anggota kampanye John Lindsay, somasi tobali gubernur kota New York. Me mangawuli ia ba Inggris (1966) isöndra halöŵö ba Partai Konservatif Inggris, böröta wa'atobalinia anggota Partai Konservatif. Me 1974 ibörögö kampanye tobali anggota parlemen, ba hiza kala ia. Awena isöndra wemöna me 1979. Moroi ba da'ö mohalöŵö ia ba DPR Inggris irugi 1992 me kala ia ba wamili anggota DPR si bohou. Faudu göi ba ndröfi andrö tetuyu ia tobali gubernur Hong Kong.

Halöŵö

• Direktur Departemen Penelitian Partai Konservatif (1974-1979)
• Anggota DPR (1979-1992)
• Ketua Partai Konservatif (1990-1992)
• Samösa menteri ba Departemen Luar Negeri (1986-1989)
• Menteri Lingkungan Hidup (1989-1990)
• Gubernur Hong Kong (1992-1997)

Sinura

• East and West: The Last Governor of Hong Kong on Power Freedom and the Future (1998)