Eurocopter EC225 Super Puma

Ba ginötö iada'a, fakake ba wofanö gofu heza so ba no oi somanö zino aoha ba niha gulidanö. Na si so badete danö atö, ba no oya sibai lala niha si no lahaogö ira sonekhe ba wangahaogö fakake soguna ba wofanö. So moto, so hondra, so kereta api, so beca sitenga ni dayu, ba tanöbö'önia. Ba nasi, simanö göi no idugu aoha. Na so zomasi alio, ba so göfa sabölö woloyo, so dundraha ni'oguna'ö ba gotalua hulo, so göfa sana'u niha, ba tanöbö'ö. Ba lö göi toroi zohombo ba dalu mbanua, no idugu lahaogö nasa zabölö baga ba sabölö moguna ba wame'e fa'oha baniha. Niha gulidanö lö sa'ae marase ira gofu manö numalö ira ba zisagörö ulidanö asala so göfa sihombo sedöna möi bada'ö.

Köfa sihombo EC-225LP Super Puma Mk2

Eurocopter EC225 Super Puma köfa sihombo sifagölö ira helikopter, samake mbali-bali. Köfa sihombo da'a nihaogö sambua fabiri sotöi Eurocopter Grup, angorudua moroi ba zangahaogö helicopter sotöi Aerospatiael ba Perancis faoma DaimlerChrysler Aerospace AG (DASA) si so ba Jerman, me döfi sara ngahönö a siŵa ngaotu a siŵa wulu a rua (1992). Köfa sihombo da'a no lahaogö baga sibai ya'ia da'ö, dombua mesin, ba kurusi so dua wulu a öfa (24 kursi) awö ndra sohalöŵö (kru) ba göfa sihombo da'ö ba darua (2 orang) sohalöŵö ba Kabin, eluahania so ba zi dua wulu a önö (26 kursi) fefu gurusinia.

Wolohe Solakhömi

Köfa sihombo si no lahaogö nibe'e töi Eurocopter EC225 Super Puma, lafohombo si'oföna si'ai ya'ia da'ö dua wulu a fitu mbawa si felezara döfi si dua ngahönö (27 Nopember 2000). Ba amena lafatunö ba niha sato ba ndröfi si dua ngahönö a öfa (2004), ba no sa'ae oya zino lahaogö göfa sihombo da'a. Hiza köfa da'a asese lafake ia ba wolohe ira amada sitebai niwa'ö ma niha si so faka, tenga niha sito'ölö, ma lamane-mane ba li hagöri VIP ma VVIP, niha nifosumange, niha solakhömi, ba tenga ha da'ö göi, naso danö bö'ö salio-lio ba wanolo, köfa da'a tola nifake. Fefu zura da'a yaŵa nihalö ba Wikipedia Indonesia.

Helikopter ba TNI AU

Sifagölö ba Eurocopter EC225 Super Puma, ma sambua mode (Varian) Helikopter H225M, no la faehagö ira amada si so ba wozago talu mbanua (Angkatan Udara), moguna ŵalu (8) rozi ni haogö airbus helicopter, ba nano awai dania la fa'anö (rakit) ba la fa'ema khöndra so zago talu mbanua.

Lafake ba mbanua zifasuwö

TNI AU Indonesia, ba wowöli köfa sihombo da'a ba wonönö fa'abölö ba wozoga banua Indonesia, ma lamane ena'ö idugu abölö watahana ndra amada si so ba zozago talu mbanua andre ba Indonesia. Helikopter ni öli ba laoguna'ö ba wetaro ba wanolo niha naso ba danö wasuwöta.