F-16 Fighting Falcon

Sambua banua sebua, simane Indonesia, no ihenagö hewisa watahana mbanuania. Simane, sozago dete danö ma laŵa'ö ia Angkatan Darat, so zo zago talumbanua, la tötöi ia Angkatan Udara, ba so zo zago asi ba arö nasi, laŵa'ö ia Angkatan Laut, ba so zago fefu ngawalö zalua eroma'ökhö, so ndra amada folisi ma latötöi ia, Polisi. Ba dalu mbanua, moguna lazago moroi ba zedöna mamalua silö baga. Hiza ba zozago talu mbanua so F-16 Fighting Falcon da'a ya'ia da'ö Köfa wanuwö (Jet Tempur) ni haogö fabiri sotöi General Dynamics, aefa da'ö i'öli Lockheed Martin (di akuisisi oleh Lockheed Martin) soguna ba zo zago talu mbanua ba danö Amerika ma Angkatan Udara Amerika.

Köfa Wanuwö F-16 Fighting Falcon, sokhö: Amerika

Nifalua F-16 Fighting Falcon

F-16 Fighting Falcon sambua köfa wanuwö soguna sibai. Köfa da'a no ibe'e hare khö mbanua Amerika Serikat, no so khönia wohalöŵö salio ba sibaga ba wofalua fanuwö ba nudu, ba lö ebua ihorigö gefe. Köfa da'a göi nihaigö si'oföna F-16A ha sambua gurusi, nifohombo si'oföna sibai me baŵa sifelendrua ba ndröfi si sara ngahönö a siŵa ngaotu a fitu ngafulu a önö (Desember 1976). Si'oföna ba wolau halöŵö ya'ia me bawa si sara ba ndröfi si sara ngahönö a siŵa ngaotu a fitu ngafulu a siŵa (Januari 1979) ni fatenge ba Wing Fighter Taktis si tölu ngaotu a ŵalu ngafulu a ŵalu (ke-388) ba naha zo zago talumbanua (Pangkalan Angkatan Udara) ba Hill, Utah. Baero F-16A, so göi F-16B nihaogö dombua gurusi, ba idugu lahaogö ena'ö idugu baga.