Fanikha tanö

Fanikha tanö ya'ia da'ö wanikha nifake ba wamara'i alitö (Li Indonesia bahan bakar) la'ogunaö ia simane ba wangalio'ö wamaewua'ö geu galitö ba nawu, ba wamohola fandru samake sumbu, fandru ganefo, fandru ndrindri ba fandru gasi fatua lö sofeta wandru lisitiri ba mbanua. Ba Danö Niha, so nasa mbanua zamake fanikha tanö silö sofeta fandru lisitiri, ba lö mamalö-malö wanötöna nono mbanua ena'ö irugi göi ira fa'amohaga. Fanikha tanö la'öli ira ono mbanua, ba mboto-boto ma ba zerege. Fanikha tanö sambua fanolo sebua ba wame'e haga ba nomo nono mbanua, hiza fanikha tanö, tenga ha ba wangorifi fandru, lafake göi ia ba wangorifi kofo (kompor) fondrino, heŵa'ae lö fefu, börö me ato nasa zondrino mamake eu galitö. Ba meno irugi inötö so pembagia tabu gas si tölu kilo moroi khö wamareta, ba no la alösi wamake fanikha tanö ono mbanua ba tenga ha irege da'ö, so ba dödö wamareta ba wangeheta ono mbanua ba wamake fanikha tanö andrö.