Fenini

Fenini ma zui femangabongi ya'ia da'ö owasa fanaba bawi ni'asogö zowatö ma so'omo si tobali ndriwo zangondrasi omo niha si so simate. Ya'ira sangondrasi si falulu wanarogö boto zimate andrö itaria fasarawongi ira. Ba Li Indonesia, niha sangondrasi andrö tetötöi pelayat. Molo'ö famati Nono Niha me föna, fame'e ndriwo zangondrasi andrö fo'ömö si lötolalö'ö mufalua. Na lö mufalua da'ö ba mofönu mala'ika zino mate khö ndra soroiyomo niha si no mate. I'otarai ba ndröfi 1990, i'alakhagö wamalua fenini andrö osali Niha Keriso. Börö da'ö, itugu ara, irugi ma'ökhö andre, famalua fenini itugu alö zamalua ya'ia.