Gambara gefe si 1000 döfi 1992

Gambara gefe si 1000 döfi 1992, no sambua fangahatö ba niha bö'ö ba wangi'ila Tanö Niha. Na falukha ba niha moroi ba soi bö'ö, ba na ambö atö i'ila hezo wetaro Danö Niha, ba fatunö khönia Tanö Niha si so ba gefe si saribu, aefa no öfatunö da'ö, ba sanofu no mege, i fahökö ia tandra wa no sa'ae i'ila, Ono Niha, ono sebua böwö, ba sangila huku ba hada. Me döfi sara ngahönö a siŵa ngaotu a siŵa wulu a rua, moroi ba zangahaogö kefe (Peruri) la haogö gefe nga'örö si saribu, ba hiza gambara ba zi tambai gefe andrö, omo hada Danö Niha, ba gambara hombo batu. Gambara ba gefe andrö, sambua fa'omuso dödö ba Nono Niha, me dozi soi ba zi sagörö Indonesia, asala sangoguna'ö kefe rufia ba i'ila khala-khala Danö Niha ya'ia da'ö, Omo Hada faoma Hombo Batu.

Sohombo ba gefe si 1000 döfi 1992

Me no ba ndröfi si no manöi fangi'ila dozi niha ba zi sagörö ulidanö, simanö göi niha si so ba Danö Niha. No oya gambara ma turia si no tesura ba gu'ö na möi niha ba wuka, same'e turia hewisa waö-waö gambara si so ba gefe andrö. Niha si so ba gambara andrö ya'ia da'ö so töi Tafoele Nehe. Ba da'ö i fatunö wa tokea ia me i'ila gambarania so ba gefe si saribu andrö ni haogö me döfi si 1992. Ba i fatunö wa lö i'ila wano so gambarania ba da'ö ba hiza omuso göi dödönia, me möi fangombakha ba soi bö'ö wetaro Danö Niha, si no aröu ba duduma hörö, ba gaekhula hulo Sumatra. Ba hiza i fatunö, wa lö aoha ba wamalua hombo batu, moguna ginötö sara ba wamalua ena'ö to'ölö.

Kefe si 1000, lafangawuli ba Bank Indonesia

Kefe sino mozawili ba niha, simane kefe si saribu si so gambara Nomo Hada faoma Hombo Batu, moroi ba Danö Niha, nihaogö me döfi sara ngahönö a siŵa ngaotu a siŵa wulu a rua, te fagati zui ia molo'ö si no la aturai ba Bank Indonesia. Me ngaluo Rabu ba zi dua wulu a sara mbaŵa si siŵa dua ngahönö a fele önö (21 September 2016), ba Bank Indonesia i be'e gangombakhata wa kefe si saribu si so gambara Nomo Hada faoma Hombo Batu, la owuloi moroi ba niha si no mozawili, simane si no lafa'anö fangombakhania ba zura nomero : Peraturan BI (PBI) Nomor 8/27/PBI/2006. Ba hiza meluo da'ö, labe'e ginötö ofeta ngaluo si dua wulu a siŵa mbawa si felezara ba ndröfi si dua ngahönö a fele önö, la fazaewe wangombakha'ö ena'ö fefu niha sangokhögö kefe si saribu andrö, tola latukari ba Bank Indonesia, sahatö ba nahia si so ya'ira.

Ondröita Digital

Simane si no sa'ae ta'ila ba ginötö si so ya'ita iada'a hewisa wa'atedou wangi'ila niha, fa'atedou ba ngawalö nibaya-baya, ba tanöbö'önia si lö ikhamö fangera-ngera niha gulidanö. Fefu niha sangandrö saohagölö ba wa'atedou ngawalö wangi'ila hewa'ae. Hiza ba gefe si saribu andrö tenga ha gambara hombo batu zi so, ba zitambainia so gambara nidanö sifaonö (Danau) ya'ia da'ö Danau Toba, ba no si baga sibai ba wamaigi, ba da'a möi fanörötö ba zi so föna wa no irai so ba gambara gefe, hulo ni'omasi'öda. Sinura da'a tola tobali ;

Ondröita Digital Nono Niha
Sura andre tefaböbö ba halöŵö Ondröita Digital Nono Niha sangowuloi fefu hadia ia zanandrösa ba
li (bahasa), hada (budaya), waö-waö (sejarah), fangi'ila (pengetahuan, kebijaksanaan) Nono Niha.
Na so ni'ilau moroi ba mbuku nibasou ma fanutunö zatua soguna sibai,
böi alaŵö wonönö ya'ia ba da'a (na faudu ia ba da'a) ma zui ba zura tanö bö'ö ba Wikipedia Li Niha.