Gereja BNKP
Banua Niha Keriso Protestan (la'adogo'ö ia; BNKP) ya'ia da'ö sambua gangowuloa zamati khö Zo'aya ya'ita Yesu Keriso sifao ba gangolifa agama Kristen Protestan sanaro'o ba Danö Niha, Sumatra Utara. Kantor Pusat Sinode BNKP si so ba Jl. Soekarno No. 22, Gunung Sitoli, Nias – Sumatra Utara, 22813.[1]
Böröta BNKP (Sejarah) bulö'ö
Agama Kristen te'olohesi ba Danö Niha nibörötaigö misi Katolik moroi ba Prancis, ya'ia da'ö Missions Etrangers de Paris, hiza lö ara sibai halöŵö misi da'a, ha ba ndröfi si 1832 ofeta döfi si 1835.[1]
Fa'atohare duria somuso dödö ma ba li zifakhai ba agama asese laŵa'ö ia; Injil, moroi ba Misi Protestan nibörötaigö ba ndröfi si 1865 moroi ba Jerman, E. Ludwig Denninger ma sifaudunia moroi ba zi sambua gangowuloa nifotöi Rheinische Missionsgesellschaft la'odogö ia faoma RMG ba zi 27 September 1865. Irege ngaluo da'a no tobali ngaluo fanörötödö wa'atohare duria somuso dödö ba Danö Niha, ma lamane; "Hari Yubelium BNKP". Angowuloa misi andre, nifa'aso moroi ba danö Kalimantan. Ba ginötö da'ö nasa, fefu niha si so ba Danö Niha farisayo ba ngawalö gamonita si no te'olohesi moroi ba zatua föna ma lamane ia agama leluhur.[2]
Irugi döfi si 1900, ba ginötö Belanda manao ba Danö Niha, hiza fa'atedou wa'aboto ba dödö sifakhai ba khö Zo'aya, no ambö sibai nasa. Famayagö idanö siföföna sibai tefalua me döfi si 1874. So ba zi 15 fakhe aefa da'ö, ya'ia da'ö ba ndröfi si 1890, fa'ato niha si no labayagö idanö, eluahania no fao ira ba wa'aboto ba dödö moroi ba wa'afarisayo khö Yesu Keriso, me la'erai ba so ba zi 706 niha wa'ato. Fa'oya da'a idugu monönö ikhamö ba zi 20.000 niha ba ndrö si 1915.
Ba ndröfi si 1915–1920, orudua Niha Keriso ba Danö Niha latema geheha ni'amoni'ö, ma lamane; alua wangesa dödö sebua (kebangunan rohani) ba me inötö da'ö no alio sibai wa'amozawili duria somuso dödö andre misa ba mbanua. Me döfi si 1921 no ikhamö ba zi 60.000 niha wa'ato si no tebayagö idanö – eluahania so wa'amonönö 40.000 niha ha ba zi lima fakhe wa'arania.
Me döfi si 1936, ba da'a lafalua Sinode BNKP si'oföna sibai, lahaogö ua gangowuloa nia ofeta döfi si 1940 ni'olohesi misionaris Jerman. Fangesa dödö sebua aefa da'ö alua ba 1938–1942, 1945–1949, tenga ha tedou wa'aboto ba dödö ba khö Zo'aya, alua göi wabalisa dödö ndra solohe turia somuso dödö andre, ba da'ö tumbu gereja Fa’awösa khö Geheha faoma Angowuloa Fa'awösa kho Yesu ma asese lamane Fa’awösa khö Yesu.
Hiza no idugu oya wangi'ila nono mbanua ba Danö Niha meluo da'ö, irege ba ginötö si lö ara sibai, tohare gosali sibohou ya'ia da'ö Gereja Advent faoma Gereja Katolik Roma. Hiza, gereja BNKP no sambua osali sebua ba Danö Niha, ikhamö ba zi 60% moroi ba wa'ato niha ba Danö Niha meluo da'ö. Irugi da'a nomöi lala wamatörö ngawalö lala wa'auri ba hulo andre. Tola lamane wa osali andre, zimöi fangorudugö niha si no fabö'ö-bö'ö mado, nga'ötö, fehede, ba tanöbö'önia. Ba hiza fanura Sura Ni'amoni'ö ma Buku Gamabu'ula Siföföna ba Sibohou, no tesura ia ba wehede Nias Utara, si no labali'ö ia fo'ali moroi ba Alkitab ba li Indonesia. Sura ni'amoni'ö siföföna tesura me döfi si 1913.
Na iada'a, so ba zi 800.000 niha si so ba Danö Niha, no ikhamö ba zi 73% no lafili agama Kristen Protestan, 18% Katolik Roma, ba si törania 7% agama Islam, ba tanöbö'ö si lö moröi fa'afarisayo ba wamati zatua föna.
BNKP no sa'ae mozawili ba zi sagörö Tanö Niha, irugi ba zi sagörö Indonesia simane ba Medan, Padang, Pekanbaru, Batam, Jakarta, Bandung, Surabaya ba irugi manö ba hulo-hulo side-ide. Asala so nono Niha ba mbanua da'ö, ato ma'ifu, tola tefasindro BNKP ba da'ö.
Eluaha döi bulö'ö
Eluaha moroi ba wanötöi BNKP "Banua Niha Keriso Protestan" ya'ia da'ö; sambua gangowuloa niha satulö si no tebayagö idanö ba döi Nama, Ono ba Eheha Ni'amoni'ö, sitobali ndroto-ndroto ba Zo'aya Ya'ita Yesu Keriso. BNKP latema wamahaö wa; Yesu Keriso ya'ia da'ö Ono Lowalangi, ma Lowalangi samösa Ia, sangefa'ö Niha ba huku horö, somböi banua siyaŵa awö danö simane si no tefa'anö bakha ba Zura Ni'amoni'ö.
Halöwö BNKP ba ginötö iada'a (Pelayanan Masa Kini) bulö'ö
BNKP ofeta ma'ökhö idugu mohi'a dödö ba wondrou'ö fangi'ila ba wa'atulö ma ba wamahaö tanöbö'ö, simanö göi zifakhai ba wa'owaöri nono mbanua, ba tanöbö'önia nasa. So khöra majalah Turia Röfa (Berita Salib), döinia.
Sekretariat bulö'ö
Kantor Sinode BNKP:[3][4] :Jl. Soekarno No.22, Gunungsitoli, Nias, Sumatera Utara 22813, Indonesia :Telepon: (0639) 21448, Fax: (0639) 323-127, Email: sinode.bnkp22@gmail.com
Badan Pekerja Harian Majelis Sinode (BPHMS)-BNKP bulö'ö
Pengurus pusat ni'adogo'ö faoma fanötöi; BPHMS BNKP 2022-2027 ya'ia da'ö simane si so ba da'a tou:
- Ephorus: Pdt. Otoriteit Dachi, S.Th., M.Si
- Sekretaris umum: Pdt. Ya'aman Zega, S.Th., M.Min
- Bendahara Umum: Pdt. Fonaso Mendröfa, S.Th
Pengurus pusat yang disebut BPHMS BNKP Periode 2017-2022 adalah:
- Ephorus: Pdt. Dr. Tuhoni Telaumbanua, M.Si
- Sekretaris umum: Pdt. Dr. Dorkas Orienti Daeli, M.Th
- Bendahara Umum: Pdt. Helu'aro Zega, S.Th
Sangai halöŵö ba zi no numalö:
(2010–?)[1]
- Ephorus: Pdt. K. Hia, M.Th
- Sekretaris umum: Pdt. Ys. Harefa, S.Th
(2008)[4]
- Ephorus: Pdt Ar. Geya
- Sekum: Pdt Ys. Harefa, STh
Wikipedia no halöŵö nifalului zato.
Tolo Wikipedia ba wanohugö wanura ya'ia, na so khöu onönöta nösi. Saohagölö.