Hada Nono Niha

Hada Nono Niha ma böwö ba li Indonesia la tötöi ia Adat Nias, si no la gogohe ira niha khöda gofu hezo manö so'ira misa. Hiza, lamane bakhöda, tebai ba nono niha, oya zitebai-tebai manö. Hadia geluaha nia da'ö, ya'ia ba wolo-lohe fefu goi-goi si no la rakö ira satua meföna. Simane si no lasura ba Museum Pusaka Nias ba gu'ö. Hada nono niha, oya zi lötolalö lafalua simane ba wame'e ono nihalö, ba wolau owasa, ba tanöbö'ö nia nasa. Bada'a tou faigi hewisa waö-waö hada nono niha simane.

Hombo Batu

Hombo Batu andre ma fosawö kara sino la henagö, sambua hada sino la'ila niha ba zisagörö ulidanö. Ba danö Indonesia, lö silö mangila me no irai la be'e gambarania ba gefe si saribu rufia Indonesia. Meföna Hombo Batu ba lafalua iraono sihino döla ba wangombakha wa no sa'ae tola fao ba ngawuloa ndraono matua sino ebua, tenga sa'ae iraono. Fa'alawa gara andrö so ba zi 1,8 mete ofeta 2,2 mete. Da'a lafalua ba wo henagö iraono sihino döla ba wolawa udu, sifa'udu.

Famosumange Satua

Ba danö niha, so göi nifotöi folau gowe ma adu ba li Indonesia Patung. Ha ya'i. gowe da'a ni haogö moroi ba geu. La angandroi ba ha lö dugela wangandröna no öfa bogi no mofanö zatua andrö. Ba hiza gowe ma adu andrö tola tobali delara wa'afalukha khö zino mondröi uli danö, lamane manömba adu.

Mangai Högö (Binu)

Mangai högö ma binu lö hadöi sa'ae irugi ma'ökhö meno oi sangataufi lowalangi fefu niha, ba no oya göi wamaha'ö wa tebai sa'ae lafalua da'ö.Ba hiza ba zino numalö meföna ba no so zanura wanguma'ö me tahu 851 no so zangai högö ma binu. Hadia guna khöra meluo da'ö, ya'ia ba wame'e dane-dane högö namada samena mate. Guna tanöbö'ö, ba dane-dane gehomo nomo sebua. Simanö göi na lahaogö gowe föna nomo, labe'e binu ma högö barö gara andrö.

Foko'o

Meföna na so zi mate ba lö inemai lako'o. La be'e yaŵa ba naha salaŵa maifu, ba so göi ni taŵi yaŵa ba gurusi lewuö, na no irugi, dua ma tölu migu, la halö mbinu ma högönia, la totogö da'unö ba la be'e bakha ba weti ba zahatö ba nomo. Ba me inötö tahu 1908. ira amada moroi ba Belanda, la fazaewe li wa fefu niha si mate, lako'o ba danö.

Mangowasa

Meluo meföna ba oya sibai zilötolalö'ö lafalua ba mbanua ira salaŵa hada ya'ia da'ö simane fangowasa. Fangowasa andre, ba wa me'e sumange fondrege sebua khö zalaŵa hada solau owasa. Ba meno sa'ae oya niha sino mangi'ila famahaö ba halöŵö Lowalangi ba he ba wa'atua-tua tanöbö'ö, ba idugu ara ba hulö ambö sa'ae zolau owasa. Inönö me oya göi zoguna ma harato sebua ba wamalua lala halöŵö andrö. Ba baginötö iada'a sa'ae ba no ambö tarongo zolau owasa. Ba wamalua fangowasa, ba itaria lahalö lala halöŵö simane fondrakö, larakö Na faowulo-wulo ba wamalua hada tanöbö'ö ba oya sibai simane : falöŵa ma fangai ono nihalö, böwö bawangowalu (tome ba sowatö) ba simanö göi wame'e sumange khöndra uwu ma sibaya.