Islam ba Danö Niha

Dawa ya'ia da'ö fanötöi agama Islam ba Li Niha. Hiza no sa'ae mu'ila wa agama Islam andre ba Danö Niha agama si lö ato zamati khönia. Ba Danö Niha sabölö ato ya'ia sa'ae ono mbanua Niha Keriso samatö khö Zo'aya ya'ita Yesu Keriso, ba so ösa zifarisayo khö agama gondröita zatua ma lamane agama tradisional/suku sasese latötöi faoma fogaoni; Fanömba Adu. Ono Niha sifarisayo ba agama Islam, sito'ölönia sitoröi ba zahatö asi (wilayah pesisir). Na soya sifarisayo ba Islam andre, ya'ira sangarato ba Danö Niha si'otarai moroi ba Ono Minangkabau, suku Aceh, ba lö ato sibai ira nono niha. Ya'ira andre lakaoni faoma fanötöil; Ndrawa; eluaha Ndrawa na lafo'eluaha molo'ö ngawua wehede; ya'ia da'ö; "orang asing" ma "orang yang beragama Islam", irege fogaoni da'a no labe'e töi sambua naha wanörö, si no la'ila niha sa'ae töinia; Tögi Ndrawa. Ono Niha si no tobali dawa, tola tefalukhaisi ira ba Gunungsitoli, Nias (Bozihöna), Nias Selatan (Pulau-Pulau Batu Timur dan Teluk Dalam), faoma ba Nias Utara (Lahewa, Sawo, simanö göi ba Tuhemberua).

Waö-waö (Sejarah)

Islam si'oföna sibai ofeta ba Danö Niha ya'ia da'ö ba abad si-17, ni'ohe Teuku Polem si'onarai ba Kesultanan Aceh. Fa'amozaewe Islam andre tebörögö me Teuku Polem muloyo numalö fetaro tanö raya moroi ba hulo Sumatera ba ofeta ia Danö Niha ba ndröfi si 1642. Ya'ia andre ono sia'a khö Teuku Cik, kafalo famareta ba Aceh fetaro gaekhula. Börötania, Teuku Polem ofeta ba Danö Niha gamaudu ba Luaha Laraga Idanoi ba latema ia ira onombanua meluo da'ö, Balugu Harimao. Döfi aefa da'ö, Teuku Polem ilau mangowalu khö Böwö'ana'a, ono duada Balugu Harimao. Meno aefa itötöi wehede; syahadat, Böwö'ana'a dawa si'oföna sitobali dawa. Lö ara aefa da'ö, talifusönia sotöi Acah Herefa tobali dawa. Nga'ötönia so'ira ba mbanua Miga ba Nöri Tabaloho Dahana, Gunungsitoli. Nga'ötö tanöbö'ö, Kehomo Harefa toroi ba Kampung Mudik, Gunungsitoli ba so ösa ba Sifahandro, Tuhemberua.