Wikipedia

Katawaena

Katawaena, Burung walet
Rentang fosil: Eocene - sekarang
Burung walet, Apus apus
Sayapnya berbeda dengan burung layang-layang.
Klasifikasi ilmiah
Kingdom:
Animalia
Filum:
Chordata
Kelas:
Aves
Order:
Apodiformes
Famili:
Apodidae

Ernst Hartert, 1897
Genera

Katawaena, andre ba Danö Niha fofo sohombo ba zi tanö'owi, sola'a-la'a saitö. Ba li Indonesia, ya'ia da'ö; Burung walet (Collocalia vestita) so afi satarö-tarö, sanau i'o. Katawaena auri ia ahatö bangai nidanö ba simanö göi ba gotalua nomo-nomo niha mbanua. Itaria mongawawa wa'oyania, la'iagö nahia si lö hadöi niha, simane gödo-gödo si no ara lö mu'oguna'ö. Fofo da'a, tenga simane fofo tanöbö'ö, managaule ia ba ginötö sara, na katawaena, iduhugö manö wohombo sifao wangalui önia, me no adogo-dogo gahenia. Baero da'ö, katawaena tola muhombo ia ba nahia sogömi-gömi, me so khönia wanolo nifotöi ekolokasi. La'agö zisambua nahia mongawawa, ba lahaogö gazunira faoma idanö gararora. Azuni gatawaena andre, oya la'amawa niha, sitobali famalala gö, ba so göi ni'oguna'ö ba dalu-dalu.[1]

Omböila

 
Fosil Scaniacypselus

Ere taksonomi no ara lafareso ma laföfögö gatawaena andre faoma fofo zihulö laya-laya, kerabat burung kolibri, molo'ö si no la söndra, ya'ia da'ö; Jungornitihidae (kerabat kolibri-walet) faoma fofo kolibri primitif faoma Eurotrochilus. Taksonomi molo'ö niha mbanua ma ba li Indonesia lamane; tradisional tefataro gatawaena andre ba ngafu wofo kolibri (Trochilidae) bakha ba ordo sifagölö khö gatawaena faoma fofo zihulö laya-laya (lö hadöi ngafu fofo bö'ö); taksonomi Sibley-Ahlquist lafataro gatawaena andre sitobali super ordo Trocholiformes.[2]

Habitat

Habitat ma angorudua ngawawa gatawaena oya ia ba Asia Tenggara. Simanö göi ba Indonesia, Malaysia, Thailand, Vietnam, Filipina Kamboja, faoma Laos, na ba negara Eropa, Amerika, ma ba benua Afrika lö hadöi fofo da'a. Fofo andre auri ma fataha ia ba iklim tropis soya alua deu. Me fa'okafu-kafu, no sambua fanolo ba wangoya'ö nga'ötö gatawaena andre. Taksonomi gatawaena na molo'ö si no la'ila niha; no lala sabua sibai, me so khönia wo goligö gangolifa he göi ngawaönia (pembatasan jenis dan spesies) soya nifatunöisi ba wamöfögö gangolifa andre. Ba wamaigi hewisa zikhala faoma li wofo da'a, no lala sabua sifakhai ba evolusi paralel molo'ö si no la'ila niha, na analisis sifat morfologi faoma ngawalö wanandraigö DNA tefaehagö wa'afagölö heŵa'ae oya wabu'asa khönia.[2]

Ordo Apodiformes tefazaewe me inötö Eocene ba ginötö da'ö so ngawalö gatawaena si no arakhagö taya, fosil ni söndra ba Eropa no sitobali fanuturu lala, nahia tesöndra ba gotalua Denmark faoma Prancis, duma-duma wofo primitif simane; Scaniacypselus (Awal–pertengahan Eocene) ba sabölö te'ila ba ginötö iada'a ya'ia da'ö fofo; Procypseloides (Akhir Eocene/Awal Oligocene–Awal Miocene). Ngawalö prasejarah asese lafakhai ia faoma gatawaena, simane; Primapus.[3]

Kultivasi

Azuni gatawaena andre asese laŵa'ö ia ö sami (konsumsi eksotis) same'e ŵe soguna ba mboto niha faoma ba wangehao boto. Femanga ŵe moroi ba gazuni gatawaena andre, asese lafaedogö ia khö ndra gehai, sitobali dane-dane fondrege satua ya'ia da'ö ba ginötö dinasti Tang (618-907 SM ) (Lau dan Melville, 1994). Sindruhunia raso moroi ba gazuni gatawaena andre, ma'ifu lö raso ba lela zimanga ya'ia. Hiza börö me so khönia ŵe soguna ba mboto niha. So sambua perusahaan si no mangahaogö gazuni gatawaena andre sitobali ngawalö wamalala soguna ba niha, ya'ia da'ö; PT. Lentera Alam Nusantara, si no oya zikhalania, simane parfum walet, idanö nibadu moroi ba gazuni gatawaena, ba tanöbö'önia.[4]

Fangoguna'ö

Azuni gatawaena andre, oya sibai gunania sifakhai ba wa owaöri mboto, simane:[5]

  1. dalu-dalu geha sabe'e, ma sara sibai adeha mbörökehania, (sebagai obat batuk kering);
  2. fanolo ba wangazökhi wa'alösö guli (mempertahankan kecantikan kulit);
  3. fanolo ba wa'ambö mbadu (mengatasi keluhan paru-paru);
  4. fanolo ba wamadöhö wa'atekiko nuo (mengobati kerusakan pembuluh darah);
  5. modou'ö wa'atagia wemanga (meningkatkan nafsu makan);
  6. tuho antioksidan (sumber antioksidan);
  7. tuho mineral ba wa'afataha mboto (sumber mineral untuk sistem kekebalan tubuh);
  8. fangazökhi guli (membuat kulit menjadi cantik);
  9. famonönö wa'atua-tua (mencerdaskan otak).

Faniaga

Apakah tumbuhan/binatang tsb. diperdagangkan? Dalam bentuk apa? Sebesar apa keuntungan ekonomis yang diperoleh? Apa perannya dalam pendapatan satu negara?

Onönöta

Adakah hal yang khusus pada tumbuhan/binatang tsb. yang tidak umum dan merupakan informasi berharga? Ada ritus khusus yang berhubungan dengan tumbuhan/binatang ini?

Basoŵa

Di sini ditulis daftar buku yang membahas tanaman/binatang tsb. dan belum disebut dalam tulisan.

Khai-khai baero

Di sini ditulis situs web utama yang membahas tumbuhan/binatang tsb. kalau ada

Sura andre awena börö zura nasa. Moguna munönö ba mubönökhi nösinia.
Wikipedia no halöŵö nifalului zato.
Tolo Wikipedia ba wanohugö wanura ya'ia, na so khöu onönöta nösi. Saohagölö.

Umbu

  1. ↑ Hassan Shadily. Ensiklopedi Indonesia Volume 1. Jakarta: Ichtiar Baru-Van Hoeve.
  2. ↑ 2,0 2,1 Thomassen, Henri A.; Tex, Robert-Jan; de Bakker, Merijn A.G.; Povel, G. David E. (2005). "Phylogenetic relationships amongst swifts and swiftlets: A multi locus approach".Molecular Phylogenetics and Evolution 37 (1): 264–277
  3. ↑ Bourton, Jody (2 March 2010). "Supercharged swifts fly fastest". BBC News. 
  4. ↑ Walet, Markas, "Sarang Burung Walet – Eliksir Terkenal Dengan Manfaat Mutakhir", MarkasWalet.Com, [1], mufaigi me 6 Oktober 2023
  5. ↑ "12 Manfaat Minuman Sarang Burung Walet, Salah Satunya Menurunkan Kolesterol". 2022-11-02. Mufaigi me 2022-12-23. 
Tehalö moroi ba "https://nia.wikipedia.org/w/index.php?title=Katawaena&oldid=21185"