Maena ya'ia da'ö sambua wanunö ma fanari nifalua ngasi Zowatö, ngasi Nuwu, ngasi Dome nifalua niha sato ba nono niha.[1] Maena mufalua na so wa'omuso dödö simane na so walöwa, owasa, ba tanöbö'önia.

Lala wamalua MaenaSunting

  • Si'oföna lafa'oli (Li Indonesia baris) nono-maena ma niha sato, tanö-föna ndra'alawe ba tanö-furi ndramatua, so göi lafa'oli tanö-bagambölö ndraono alawe ba taö-bagabera ndraono matua. Ba sanutunö (Ere maena) la'agö tanö-föna nono-maena.
  • Fatua lö labörögö maena ba si'öföna la-Höli, samalua fohöli fasamösa zino bihasa ba gotalua nono-maena, tola göi satua hada; imane: "höli-höli wangunguhugö solau maena...! (hada ba Öri Huruna)", ba la'tehe ono-maena lamane "he...!".
  • I'ombakhaö sanutunö hadia ni'ogunaö ba wamazaumba ahe, simane: ni'o'öfa sagi, tölu sagi, dua sagi ma ni'osolau fagaragazi (sambua föna ba sambua furi), ba tanöbö'önia.
  • Idönia'ö sanutunö maena ba wamaendrongagö famazaumba ahe (i'erai: sara... dua...tölu..!) ba labörögo wamalega ya'ira ono-maena, ba la'anunöisi wanehe, awena i'tohugö wanötöi töi maena Ere maena, ba la-tehe sato ni fagemagema.
  • Na no awai wolau maena ba lafuli lahöli simane ba wamörögö no menge.

Oya ngawalö MaenaSunting

  • Maena wangowai Tome;
  • Maena wangandrö wa'ebolo dödö dome salua;
  • Maena wanuno tome;
  • Maena wanuno umönö;
  • Maena fangowai zowatö;
  • Maena fanono zowatö
  • Maena famalega bola numönö;
  • ba tanöbö'önia.


Lala wangera'era sifakhai ba wolau maenaSunting

Ohitö dödö ba wamalua Maena, ya'ia da'ö fangoroma'ö wa'omuso ba fa'owuawua dödö (Li Indonesia Ungkapan rasa sukacita dan kegembiraan menghadiri pesta yang dilaksanakan). Maena da'e tenga ha fanari manö, ba hiza göi tobali khala-khala hada nono niha ba zi'fasui, he ba soi Indonesia ba he ba soi bö'ö. Maena da'e ba no'tobali ndro ba nono niha, tobali famaha'ö ba famohouni lala wangera-ngera.[2]

Gohe-gohe:Sunting

  1. Museum Pusaka Nias. Tarian dan Musik Nias. Diakses dari https://museum-nias.org/tarian-musik/
  2. Zaluchu, E. S. (2019). Deskripsi Tarian Maena sebagai Identitas Suku Nias. Nyimak: Journal of Communication, 4(1). Hal. 135-147. Diakses dari http://jurnal.umt.ac.id/index.php/nyimak/article/view/2219/1531