Merek
Merek no gambara ma töi ni'oguna'ö niha sangokhögö perusahaan tobali tandra ni'oniagö khöra. Gambara ni'oniagö andrö itaria göi latötöi logo. Ena'ö tola la'oniagö ia ha khö zokhö ya'ia, moguna lafasura'ö döi merek andrö ba gödo wamareta sangohalöŵögöigö fefu zi fakhai ba merek waniaga. Na no lafasura'ö merek andrö ba tebai la'oguna'ö sa'ae niha bö'ö merek andrö, irege i'anema'o oroma khöda hadia perusahaan na ta'ila logo ma töinia.[1][2] Börö da'ö göi lö faehu-faehu gambara ma logonia ba simanö göi döinia.
Merek facebook duma-dumania ya'ia hurufo f nisura faoma hurufo safusi side-ide nifasui la'a-la'a sobalau (faigi gambara ba nga'örö andre). Simanö göi töi facebook no tobali merek perusahaan andre ba tebai la'oguna'ö niha bö'ö döi andre, irege na tarongo facebook, i'anema'ö ta'ila wa ya'ia andrö no Facebook, sambua perusahaan nifasindro Mark Zuckerberg.
Iada'a moguna sibai khö sambua perusahaan ma organisasi wa so khönia merek. Haniha zanöndra merek si faudu, tola alio tedou organisasi ma perusahaan andrö, börö me alio tehöngö ia ba alio la'ila niha haniha ia. Merek sambö faudu, ba lö alio muzawili ia, irege tola la'olifugö ia niha. Andrö wa itaria lafabö'öni merek si no so khöra organisasi ma perusahaan ba lahalö merek salio tehöngö.[3]
Duma-dumania da'a merek Coca-Cola. Heŵa'ae so nibadu bö'ö si fakhili raso khönia, bahiza börö merek Coca-Cola abölö lafili niha wamadu idanö Coca-Cola moroi ba nidanö bö'ö. Simanö göi merek bö'ö simane Starbucks. Heŵa'ae oya lafo kofi tanöbö'ö, bahiza na la'ila niha merek Starbucks abölö aolo ira we'amöi ba da'ö wamadu kofi moroi ba nahia bö'ö.[3]
Galeri
bulö'ö-
Logo facebook. Gofu heza oroma logo andre ta'ila wa facebook ia -
Merek Coca-Cola. Gofu heza oroma logo andre ta'ila wa Coca-Cola ia -
Merek IndoMie. Gofu heza oroma logo andre ta'ila wa IndoMie ia
.svg){kind=logo}
.jpg)
Umbu
bulö'ö- ↑ "A trademark is a word, phrase, symbol, and/or design that identifies and distinguishes the source of the goods of one party from those of others". Mufaigi me 13 December 2011.
- ↑ "A trade mark is a sign which can distinguish your goods and services from those of your competitors (you may refer to your trade mark as your "brand")". Mufaigi me 22 December 2012.
- ↑ 3,0 3,1 Wijaya, Bambang Sukma. 'Dimensions of Brand Image: A Conceptual Review from the Perspective of Brand Communication', European Journal of Business and Management, Vol. 5 (31), 2013 pp.55-65; 'Is Social Media Impactful for University's Brand Image?', Manajemen Teknologi Journal of Business and Management (Terakreditasi-B Dikti), 12 (3), 2013 pp.276-295; 'Dimensi Citra Merek dalam Perspektif Komunikasi Merek', Avant Garde Jurnal Ilmu Komunikasi Vol 1 (2), 2013; 'Analisis Branderpreneurship pada UKM Perawatan Kecantikan: Kasus Salon Waxing Corner' (The Branderpreneurship Analysis of SME’s Beauty Care: A Case of Waxing Corner Salon), Seminar Nasional Kewirausahaan dan Inovasi Bisnis (SNKIB) II, Jakarta, 18 September 2012; 'Branderpreneurship: A Brand Development-Based Enterpreneurship', International Conference on Business and Communications (ICBC), Jakarta, 23-24 November 2011