Museum Pusaka Nias
Museum Pusaka Nias no sambua museum si so ba Kota Gunungsitoli nifasindro ba wondrorogö budaya Nono Niha. I'okhögö museum andre Ordo Kapusin Kustodi Nias.[2]
 Omo oi gara megalit | |
 | |
| Tefasindro | 10 November 1995 |
|---|---|
| Nahia | Kota Gunungsitoli, Sumatra Utara, Indonesia |
| Samasindro | Johannes Hämmerle |
| Direktur | Nata’alui Duha[1] |
| Bolokha gu'ö | museum-nias |
Böröta
bulö'öI'otarai ndröfi 1972 no i'owulo-wuloi ngawalö zi fakhai ba budaya, seni ba sejarah Nias Johannes Hämmerle , samösa falito Katolik moroi ba Jerman, si no ara toröi ba irugi iada'a toröi ia ba Nias. Itugu ara itugu oya ni'owuloinia andrö ba ibörötaigö isura döi ba gunania. Aefa da'ö i'andrö khö Dewan Ordo Kapusin Provinsi Sibolga (töinia fatua lö aboto ia tobali Kustodi Nias) ba wamasindro sambua museum. Tetehegö wangandrönia andrö me 1990.[2]
Ba zi sambua rafe ndra Ordo Kapusin Provinsi Sibolga nifotöi kapitel me 28-30 Juli 1990, ibe'e sambua huhuo sebua (li Indonesia ceramah) Hadrian Hess sanandrösa ba wa moguna sibai wondrorogö budaya ba ba wamasindro sambua museum Nias. Ba gangahorita rafe andre i'etu'ö Ordo Kapusin Provinsi Sibolga wa lafasindro museum. Fangohalöŵögöigö ya'ia tetou'ö ba danga Johannes Hämmerle.[3]
Famasindro
bulö'öBa wamasindro museum andre oya daha-taha, börö ngawalö lala nitörö (li Indonesia prosedur ba persyaratan) si lö mu'ila irugi ginötö da'ö. Börö da'ö la'andrö wanolo khö Yayasan Nusantara Jaya ba Jakarta ba wame'e informasi ba wamasindro sambua museum. Moroi ba zoya ngawalö si lötolalö'ö mu'a'asogö, lötolalö'ö lafasindro ua sambua yayasan samatörö museum dania.
Börö da'ö me 19 April 1991 i'ondrasi samösa notaris ba Gunungsitoli Johannes Hämmerle ba döi Dewan Ordo Kapusin Provinsi Sibolga ba wangandrö akte wamasindro Yayasan Pusaka Nias tobali sambua nifotöi badan hukum khö Museum Pusaka Nias.
Me no tefasindro Yayasan Pusaka Nias, awena yayasan andre zangondrasi Direktorat Permuseuman ba wangai ngawalö zoguna sinangea mu'a'asogö.
Lö ara aefa da'ö tohare zura wanehegö (li Indonesia Surat Keputusan ma SK) moroi khö Bupati Nias ba wangotomosi gödo museum nifotöi IMB (li Indonesia Izin Mendirikan Bangunan), so khönia 4 omo ma paviliun, ba la'oguna'ö sambua ba gotaluania ba wama'oli gara nifotöi megalit.
Me 16 September 1993 tohare zura wanehegö wamasindro museum moroi khö Kakanwil Depdikbud Propinsi Sumatra Utara.[4]
Umbu
bulö'ö- ↑ "Profil". Museum Pusaka Nias (ba li Indonesia). Mufaigi me 2020-03-10.
- ↑ 2,0 2,1 "Koleksi". Museum Pusaka Nias (ba li Indonesia). Mufaigi me 2020-03-10.
- ↑ Direktorat 2009, hlm. 21.
- ↑ "Museum Pusaka Nias". www.asosiasimuseumindonesia.org. Mufaigi me 2020-03-10.
Basoŵa
bulö'ö- Museum, Direktorat Jendral Sejarah dan Purbakala, Direktorat (2009). Museum Indonesia se-Sumatera, NTT, dan NTB.