Musim Kupu-Kupu Kuning

Musim Kupu-Kupu Kuning (Li Niha, Hino Kawa-Kawa Usö ma Hino Löhö-Löhö Usö) no sambua novel ba li Indonesia sanutunö zalua ba Mbawömataluo me ngaotu ndröfia si-19 nisura Vanni Puccioni. Vanni andre no samösa niha Italia si no irai toröi ba Danö Niha ba ginötö nifotöi rehabilitasi ba rekonstruksi aefa ndruru sebua Maret 2005 ba Danö Niha. Novel andre no ni'ali moroi ba li Italia ba niraka Gramedia Pustaka Utama ba tefa'olo'ö ba zato me 20 Agustus 2021. Töi novel asli nisura ba li Italia Nella stagione delle farfalle gialle niraka Ciesse Edizioni me 2019.

Musim Kupu-Kupu Kuning
AutorVanni Puccioni
Högö asliNella Stagione Delle Farfalle Gialle
So'aliEvi Nurcahyani
Samazökhi uliOrkha Creative
NegaraIndonesia
LiIndonesia
Tuho (subyek)Sastra
Ngawa (genre)Fiksi, Novel
Diterbitkan2021
PenerbitGramedia Pustaka Utama
Tipe mediaBuku, eBuku
Nga'örö384
ISBNISBN 9786020649771
Bolokha gu'öMusim Kupu-Kupu Kuning
ISBN digital: 9786020649788

Molo'ö fanutunö Vanni[1] sakali ba ginötö löfö-löfö sa'usö ba ndröfi andrö tohare armada Belanda ba Lagundri samazökhi khöra hati (Li Indonesia, benteng) ba da'ö. Ba hiza moroi na la'osambua'ö dödöra Ono Niha wolaŵa Belanda, so ba gotalua zondrönia'ö (tönia Galifa) sango'awögö Belanda. Itutunö hikaya andre novel Musim Kupu-Kupu Kuning. Baero da'ö so göi hikaya bö'ö simane hikaya wa'omasi ba gotaluara Tuha (si'ulu Mbawömataluo) ba Sumia awö hikaya wahuwusa Tuha khö Klint, samösa falito Protestan moroi ba Afrika Selatan si möi ba Danö Niha.

Famatimba bulö'ö

Ba ginötö wama'olo novel andre yaŵa ba gu'ö me 21 Agustus 2021[2] itutunö samösa Vanni Puccioni wa heŵa'ae ngawalö döi ba nahia si so bakha ba novel andre moroi ba Danö Niha, no sa ifaogö göi ngawalö ni'ilania me mohalöŵö ia ba Afrika. Duma-dumania famahaö ndra saradadu Duha nitutunö bakha ba novel andre no nihalön moroi ba wamahaö ndra saradadu ndra soi Masai ba Afrika, ya'ia da'ö hewisa lala wangila wa arakha so nudu, ba hewisa lala ena'ö böi la'ago huada udu.

Simanö göi wanutunö hikaya wa'omasi ba gotaluara Duha ba Sumia. Ba Danö Niha, töra-töra me föna, lö fehede sanandrösa ba "wa'omasi" (li Indonesia cinta) awö "farongasa" (li Indonesia, bercinta). Me föna, ba te na'i irugi ma'ökhö, la'oroma'ö wa'ömasinia samösa ono matua khö nono alawe mangoguna'ö tandra-tandra, lagu ba bua-bua. Tola manö lö irai fahede ira, ba hiza oroma ba lala wamaigira awöra ma zui ba lagura wa omasi ira nawöra. Lö göi la'oguna'ö wehede simane bercinta (Li Inggris making love) ba gotalua Nono Niha, heŵa'ae na so sa ia bahiza lö faudu latötöi ia föna zato. Lalara wangoroma'ö wa omasi ira faronga, la'oguna'ö zimane kia hörö ma zui ngawalö dandra-tandra tanö bö'ö.

Heŵa'ae simanö aboto ba dödöda wa isura novel andre Vanni Puccioni ba li Italia, eluahania isura ia khö zombaso ba Italia ma'ökhö. Börö da'ö i'oguna'ö lala wangoroma'ö fa'omasi si no to'ölö ba gotalua ndraono si bohou ebua ba Italia. Ifatörö manö mböwö simane andre ba Nono Niha sauri ba Mbawömataluo me ngaotu ndröfia si-19.

Buku bulö'ö

  • Vanni Puccioni, Musim Kupu-Kupu Kuning, Jakarta, Gramedia Pustaka Utama, 2021. Ni'ali moroi ba Li Italia.
  • Vanni Puccioni, Nella stagione delle farfalle gialle, Cinto Euganeo PD, Ciesse Edizioni, 2019, 244 nga'örö (Li Italia)

Umbu bulö'ö