Nadaoya
Nadaoya no dombua duria si no oi larongo niha dozi soi ba sangila fetaro hulo Danö Niha. Nadaoya hikaya si tehöngö, ya'ia nifotöi niha sebua. Me föna na laŵa'ö ira satua, fa'atohare Nadaoya na fetaro so zedöna i'a heŵa'ae ofeta iada'a tebai ni hörögö hadia sindruhu no so ni'ania niha ba mazui ha nidunö-dunö manö. Hiza turia si tehöngö andrö, mozawili ba zi sagörö Tanö Niha he wa'ae fabö'ö-bö'ö wanutunö dozi banua, ha ya'ia wa Nadaoya andre tenga turia sibohou ia. Na iraono ma ne ma'ökhö, lö sa'ae fakhamö larango me ambö göi so sa'ae duria tefahö Nadaoya. Na molo'ö si no teturiagö wa Nadaoya, ebua niha, ba alaŵa, na falukha ia ba niha, ba na lafaigi ia, idugu alaŵa sirugi hörö wamaigi.
Na möi niha ba mbolo mbenua ma ba gatua, ba oya gamonita si lö tola lö'ö labe'e ba dödö simane tebai egebua li, böi so ba dödö wolau si lö sökhi, tebai kiö ba mbörö geu sebua, ba tanöbö'önia. Na tesawö gamonita andrö ba so manö dania zalua, simane ifaelungu ia bela, tola olifu niha lala wangawuli yomo. Motandra wa ba Danö Niha wa'ebolo nasa mbolo mbanua si so atua, ma si lö si teboka ni bali'ö bolo mbenua, faudu manö na oi tesöndra ngawalö sanalu'i fangera-ngera niha iada'a. Nadaoya molo'ö nirongo ba zatua föna, ya'ia mealu, ilau malu, ba larongo niha li nia, no ösira-zira, ilau fakaehuhu, tenga simane fakaehuhusa niha si to'ölö, ebua li nia, ba na terongo atö li nia andrö, na tola niha samondrongo böi la fa'ema, me no lafaduhusi tödö wa so ni'ania niha.
Me no so wa'aboto ba dödö ba niha, ba turia sanandrösa khö niha salaŵa sibai, sebua boto andrö sotöi Nadaoya, itugu ara ba itugu taya duriania, ha ya'i si tobali fangi'ila ba niha ba ginötö iada'a wa no irai so duria Nadaoya ba Danö Niha. Sauli itörö todö wa no sambua hikaya ia me föna ba Danö Niha, no tenga sa'ae ni bali'ö ia fabu'asa, ba hiza'i tobali sambua okhöta hikaya ma nidunö-dunö soroi ba Danö Niha.
Inada Sirici bulö'ö
Molo'ö si no la'ila niha wa böröta niha ba Danö Niha ya'ia da'ö so nifotöi Hoho sowanua asese lawa'ö ia ono mbela. Ono Mbela andre, nga'ötö razo sangokhögö ba ngawalö ndraso ma benua si so ba zifasui ba danö fetaro so ira. Hiza inada Sirici, Ono Mbela asese lawa'ö niha sauri ba hogu geu (manusia pohon), safusi ösi, ba hiza inada Sirici i'ohe ba gulidanö ndraononia si daönö khönia, lalania we'aso ba danö i'olae liana lagara, sambua sinumbua sanana. Ba hiza me no omumu liana lagara andrö, ba lö fefu ofeta ira ba danö, so zi tosake ba hogu geu, da'ö ni tötöira bela ma ono mbela. Ba me no agatoru ösa nono ninada Sirici andrö, so ösa zamini'ö ya'ira ba dögi ba lö sa'ae latötöi ia Ono Mbela, hiza lakaoni khöra, Nadaoya. Si no la'ila niha, wa nadaoya andre, mboto niha sebua, aitö niha, ebua högö, ba hiza tebai mu osisi'ö hadia so nga'ötö ma lö'ö ba ha tandra ma lahe si so ba naha ni farisayoi ondröita meföna, simane siso ba tögi ndrawa.[1]
Umbu bulö'ö
- ↑ Melayu Online(28 Agustus 2009). ZASAL-USUL MASYARAKAT NIAS : KAJIAN ATAS MITOS-MITOS LELUHUR NIAS DAN IMPLIKASINYA MelayuOnline.Com, mufaigi me 25 Pebruari 2021
Ondröita Digital Nono Niha
Sura andre tefaböbö ba halöŵö Ondröita Digital Nono Niha sangowuloi fefu hadia ia zanandrösa ba
li (bahasa), hada (budaya), waö-waö (sejarah), fangi'ila (pengetahuan, kebijaksanaan) Nono Niha.
Na so ni'ilau moroi ba mbuku nibasou ma fanutunö zatua soguna sibai,
böi alaŵö wonönö ya'ia ba da'a (na faudu ia ba da'a) ma zui ba zura tanö bö'ö ba Wikipedia Li Niha.