Pemilihan kepala daerah di Indonesia

Pemilihan kepala daerah ma na la'adogo-dogo'ö wanötöi: Pilkada mazui Pemilihan kepala daerah ba Indonesia. Pilkada andre ha ba zisambua nahia, hiza ofeta ba Danö Niha nifalua secara langsung ba ono mbanua lafili zifao ba dödöra sitola molohe famanöi ngawalö halöŵö ba zi sambua nahia. Hiza nifili niha mbanua samösa si no mamanura'ö töinia ba si no tobönö ngawalö gangolifa si no latatugöi ba so partai so tundreheni. Famili wali kota, gubernur, ma pemilihan kepala daerah sambua inötö faoma wakilnia irege dozi ira sedöna möi calon darua niha tenga ha samösa. Kepala daerah faoma wakil kepala daerah ya'ia da'ö simane si so ba da'a tou:

• Gubernur faoma wakil gubernur untuk provinsi
• Bupati faoma wakil bupati untuk kabupaten
• Wali kota faoma wakil wali kota untuk kota

Waö-waö ma Sejarah

Fatua lö döfi si 2005, kepala daerah faoma wakil kepala daerah nifili Dewan Perwakilan Rakyat Daerah (DPRD), hiza, i'otarai me tefalua Undang-Undang Nomor 32 Tahun 2004 tentang Pemerintahan Daerah, kepala daerah nifili nono mbanua secara langsung ba ngaluo Pemilihan Kepala Daerah faoma Wakil Kepala Daerah ma si no to'ölö latötöi fangadogo-dog'ö ya'ia faoma fanötöi Pilkada. Pilkada si'oföna sibai tefalua ba Juni 2005.

Me no sa'ae lafalua Undang-Undang Nomor 22 Tahun 2007 sifakhai ba Penyelenggara Pemilihan Umum, pilkada no farahu bakha ba ngawalö nifalua ba pemilu, irege töinia ya'ia da'ö Pemilihan umum Kepala Daerah faoma Wakil Kepala Daerah si no la'adogo-dogo göi wanötöi ya'ia faoma Pemilukada. Pemilihan kepala daerah si'oföna sibai molo'ö undang-undang da'a ya'ia da'ö ba Pemilihan umum Gubernur DKI Jakarta 2007.

Ba ndröfi si 2011, tefaehagö zui undang-undang baru sifakhai ba wamalua pemilihan umum ya'ia da'ö Undang-Undang Nomor 15 Tahun 2011. Ösi si so ba undang-undang andre, fogaoni ni'oguna'ö ba wamili kepala daerah andre ya'ia da'ö Pemilihan Gubernur, Bupati, faoma Wali Kota.

Ba ndröfi si 2014, DPR-RI tefaehagö zui sambua isu krusial sifakhai pemilihan kepala daerah secara langsung. Sidang Paripurna DPR RI ba ngaluo 24 September 2014 te'osara'ö sambua wurugö wa'owulo andrö ya'ia da'ö wa Pemilihan Kepala Daerah lafangawuli simane sito'ölö ma tidak langsung, ma mangawuli nifili DPRD. Furugö Pemilihan kepala daerah tidak langsung sifao tödö so 226 anggota DPR-RI moroi ba Fraksi Partai Golkar fa'ato 73 orang, Fraksi Partai Keadilan Sejahtera (PKS) fa'ato 55 orang, Fraksi Partai Amanat Nasional (PAN) fa'ato 44 orang, ba moroi ba Fraksi Partai Gerindra fa'ato 32 orang.

Angetula da'a so ma'ifu wa'afatö dödö gangowuloa-gangowuloa niha ba Indonesia. Da'a lafaigi sambua fa'adöni furi no la'osisi'ö molo'ö sifakhai ba wamanöi ngawalö "pembangunan" demokrasi, irege meluo da'ö la alui lala hewisa ena'ö lö a'ozu lafaehagö wurugö gangetula andrö nifa'emara ba Mahkamah Konstitusi ba wo uji materi. Ba zi ha'uga partai tanöbö'ö, Pemilukada tidak langsung mazui langsung lafaigi ia wa lö amaehuta, no sifagölö. Ba hiza so sambua prinsip si lötolalö'ö latöngöni, ya'ia da'ö si'ofonania, Pemilukada tidak langsung no mangalösi hak wamili nono mbanua. Ba no oi la'ila wa fangalösi hak rakyat no sambua folaŵa Undang-Undang Dasar Negara Republik Indonesia Tahun 1945 si no tobali dane-dane huku ba tuho huku sabölö alaŵa nifalua ba Indonesia, sitesöndra ba; Bab 1 Bentuk dan Kedaulatan pasal 1. Numero dua ya'ia da'ö, Pemilukada tidak langsung no tobali mame'e dombua hak khö anggota DPRD, hak si'oföna ya'ia da'ö hak wamili ba sidua; hak legislasi.

Famalua ma Penyelenggaraan

Pilkada andre tefalua ia moroi ba Komisi Pemilihan Umum (KPU) Provinsi faoma KPU Kabupaten/Kota nihörö-hörögö Badan Pengawas Pemilihan Umum (Bawaslu) Provinsi ba Bawaslu Kabupaten/Kota. Da'a molo'ö Undang-Undang Dasar Negara Republik Indonesia Tahun 1945 Bab I pasal I ayati si 1 ofeta ayati si 3. Ba hiza labe'e föna prinsip Pancasila

Ba hiza ba Aceh, Pilkada nifalua Komisi Independen Pemilihan (KIP) nihörö-hörögö Panitia Pengawas Pemilihan (Panwaslih).

Sifao ma Peserta

Sambua gangowuloa ndra anggota, kader, relawan ba simpatisan moroi ba partai politik si so ba Indonesia. Ba so ba gotalua zowulo andre si no manörö famahaö ma pengkaderan faoma pelatihan ena'ö alua khamötö dödöra ba partai. Partai politik lafili zi tola fao si no tobönö ngawalö gangolifa zi no latatugö ba wamalua Pemilihan Umum, he ba wamili presiden ba simanö göi bawamili Kepala Daerah.

Molo'ö Undang-Undang Dasar Negara Republik Indonesia Tahun 1945, UU Nomor 32 Tahun 2004, sifao ba pilkada ya'ia da'ö ya'ira pasangan calon nifaehagö partai politik ma orudua partai politik. Angetula da'a no tebohouni ia faoma Undang-Undang Nomor 12 Tahun 2008 samaehagö wa sifao ba pilkada tola göi moroi ba pasangan calon perseorangan nifili niha sato. Undang-undang da'a sambua gangetula sanundreheni angetula Mahkamah Konstitusi (MK) si no mamawu'ö so ba ziha'uga faza sifakhai ba zifao ba Pilkada simane si no tesao'ö bakha ba Undang-Undang Nomor 32 Tahun 2004.

Khusus ba danö Aceh, sifao ba Pilkada tola göi moroi ba wehede fotundreheni moroi ba partai politik lokal si so ba Aceh

Fa'alaŵa zekola ma pendidikan ndra sedöna möi calon kepala-wakil daerah ya'ia da'ö moroi ba zekola si no terakreditasi A mazui B ba so waö-waö lala halöŵö zi no irai i'ohalöŵögöigö ba zi no numalö.

Nihenagö Zedöna möi Calon ma Persyaratan Calon Pilkada

Ketentuan mengenai syarat ikut serta dalam pemilihan kepada daerah gubernur dan wakil gubernur, bupati dan wakil bupati serta wali kota dan wakil wali kota yang didukung direkomendasikan oleh partai politik kepada penyelenggara pilkada adalah sebagai berikut:

1. Farisayo khö Lowalangi si samösa.
2. Aro dödö ba mame'e tanöföna ideologi Pancasila faoma Undang-Undang Dasar Republik Indonesia 1945, fao ba wamanöi ma ba wamalua gohitö dödö Negara Kesatuan Republik Indonesia.
3. Fa'alaŵa zekola ya'ia da'ö sekola si no terakreditasi si no itatugöi BAN-PT.
4. Fa'alaŵa ndröfi lö ambö moroi ba zi 40 fakhe na tobali ia Gubernur ma wakil gubernur ba na calon Bupati faoma wakil bupati mazui calon wali kota faoma wakil Wali Kota, döfinia tebai ambö moroi ba zi 30 fakhe.
5. Waö-waö halöŵö si no irai i'ohalöŵögöigö ba Provinsi numalö ba Kabupaten dan kota.
6. Tenga sangoguna'ö narkoba.
7. Lö irai la kuru ba zi sambua ginötö simane nisura ba pasal 68 ayat (3) UU 1/2023 KUHP.
8. Tenga samösa niha si no ladöni hak pilih.
9. Lö hadöi amuata si lö faudu föna niha sato.
10. Ifaehagö ngawalö zi so khönia ma haratonia.
11. Tenga niha so'ömö töra moroi ba zi 1.000.000.000,00 sambua angowuloa ma badan hukum mazui tenga.
12. So numero NPWP.
13. Lö irai tobali ia gubernur ma wakil gubernur, bupati ma wakil bupati, wali kota ma wakil walikota ba zimendrua kali masa jabatan.

Umbu

Sura andre awena börö zura nasa. Moguna munönö ba mubönökhi nösinia.
Wikipedia no halöŵö nifalului zato.
Tolo Wikipedia ba wanohugö wanura ya'ia, na so khöu onönöta nösi. Saohagölö.