Rudal SA-75 Dvina

Ba wangahaogö Rudal SA 75 (SA-2 Kode NATO) Dvina tebörögö moroi ba gangowuloa zaradadu ba Uni Soviet ba wo dou'ö ma wonönö Rudal zi no lahaogö ba zi no numalö ya'ia da'ö S-25. Ba mbanua Moskwa me döfi si sara ngahönö a siwa ngaotu a lima wulu (tahun 1950), lafaigi wa rudal S-25 si no so khöra, moguna la nönö wa'abaga nia, guna ba wo fa'anö fatahana ba mbanua ra. Moguna ba wo zago fatahana ba dalumbanua. Sindruhunia Indonesia no irai so khönia Rudal S-75 me inötö nasa so namada Presiden Soekarno. S-75 sambua rudal sitola mofana moroi ba zaröu ba zi öfa wulu a lima kilo (45 Km), fa'alawa so ba zi dua wulu kilo (20 Km).

SA-2 ba Indonesia

Ba zisagörö ulidanö, ba no sa'ae la'ila hewisa wa'abölö ndra saradadu Indonesia. Asese lawa'ö "Macan Asia". Indonesia ba ndröfi si sara ngahönö a siwa ngaotu a önö ngafulu (1960-an) no tobali sabölö ba gotalua mbanua si so ba Asia Pasifik (negara-negara di kawasan Asia Pasifik). Fefu wakake wasuwöta ni'öli moroi ba Uni Soviet, fozago talumbanua (unsur pertahanan udara - Hanud) no sambua ni odödögö ba zogo meluo da'ö moroi ba wamatörö namada Presiden Ir. Soekarno, Presiden samatörö si'oföna ba Indonesia. Fefu oi ihaogö simane köfa wanuwö (pesawat tempur), fana sesolo moroi ba göfa zihombo (rudal) ba samareso fetaro (radar),ba hadia ziso ba danö Indonesia meluo da'ö ba no sibaga siai ba ginötönia. Rudal andre, ba tenga ha ba TNI AU so'ia so göi ba ALRI (TNI AL) irege manizi-nizi dödö negara ba zitambai Indonesia. Rudal da'a si'oföna sibai nihaogö ba fabiri Lavochkin OKB ba ndröfi si sara ngahönö a siwa ngaotu a lima wulu a tölu (tahun 1953) no göi tehöngö döi wogaoni tanöbö'ö khönia ya'ia da'ö SAM (Surface to Air Missile)-75.

Ba Vietnam

Rudal da'a no oya la'oguna'ö ba mbanua si so fa'akaliru ma fasuwöta. Meluo da'ö ba so Fan Song sambua radar sifao ba wakake soguna ba SAM S-75 / SA-2. Si'oföna sibai ni'oguna'öra ba wasuwöta ba mbanuaVietnam, ba tanöbö'önia sa'ae lafake ba Timur Tengah faoma Afrika. SA-2 fakake SAM Soviet ni'oguna'öra ba wa'aukhura ba wolaŵa göfa sihombo moroi ba Barat.

CIA

Me baŵa si dua ba ndröfi si sara ngahönö a siŵa ngaotu a önö ngafulu a önö (Peb 1966) ba ginötö wasuwöta ba danö Vietnam, sambua Göfa Sihombo so hörö-hörögö musu badalu mbanua, sokhö banua Amerika, no la fana badalu mbanua, ba rudal zino molau da'ö S-75 Dvina (NATO: SA-2 Guideline). Önö fakhe fatua lö alua da'ö so nasa göfa sihombo Amerika zino göna rudal S-75 da'a ya'ia da'ö sotöi U-2 Dragon Lady sohombo ba dalu mbanua Uni Soviet meluo da'ö. Ba hiza köfa sihombo da'ö aekhu ahatö Sverdlovsk (kini Yekaterinburg). Solohe köfa sihombo ma latötöi ia Pilot Francis Gary Powers la taha ira niha Uni Soviet. Lö tebato ndrege da'ö, ifatenge niha so foreso ha wa'abölö si'ai rudal da'ö moroi ba Amerika, ba ara la'alui lala hewisa wa lasöndra duria sifakhai ba wangahaogö S-75 andrö, ba hiza no sa'ae ta'ila wa niha Amerika andre, niha sabe'e tandro, ba saro ni'usu, irege wa'i no tola lasöndra duria ba la'ohe ba mbanuara, ba wo sekolaini. Ba lö ara sibai ginötö ba wo lawa da'ö ba Amerika. Lahaogö drone same'e turia ba göfa sebua, irege Rudal S-75 tola la fana ba dalu mbanua.