Sifabö'ö ba gotalua wamulö'ö "Gowi"

'''Gowi''' no sambua ngawalö gö sasese tesöndra tenga ha ba [[Nias|Danö Niha]] ba hiza ba zi sagörö ulidanö. Baero gö tanö bö'ö si mane fakhe, moguna sibai wemanga gowi, börö me ambö oya nifatöi ''fiber'' bakha ba [[Fakhe|wakhe]]. Moguna ''fiber'' andrö ena'ö tola auri ba mangoya'ö nifotöi [[Bakteria|''bakteria'']] ''si sökhi'' bakha ba dalu. ''Bakteria'' si sökhi andrö zame'e ena'ö tola mofozu ngawalö hadia ia bakha ba mboto si mane fa'abua mboto, fa'oya gulo bakha ba ndro, fa'abölö mboto wolaŵa tungö wökhö ba fohalöŵö guto <ref>'''healthline.com''', [https://www.healthline.com/nutrition/why-is-fiber-good-for-you#section2 Why is fiber good for you? The crunchy truth]</ref>

Heŵa'ae hulö sinanö Nono Niha gowi andrö, sindruhunia sinanö gowi si so ba khöda ma'ökhö no ni'ohe moroi ba nahia bö'ö. Me föna gowi ha tesöndra ba [[Amerika Latina]]. Ba hiza me latörö niha Eropa danö Amerika Latina lahalö danömö gowi andrö ba la'ohe ba khöra. Me irugi Eropa, gowi andrö tobali tehöngö ba tobali ö ni'omasi'ö niha sato irugi ma'ökhö. Me möi niha Eropa ba [[Filipina]] lafaogö khöra danömö gowi.<ref>'''New York Times''', [https://www.nytimes.com/2018/04/12/science/sweet-potato-pacific-dna.html baAll by Itself, the Humble Sweet Potato Colonized the World]</ref> <ref>'''Smithsonian Magazine''', [https://www.smithsonianmag.com/history/how-the-potato-changed-the-world-108470605/ How the Potato Changed the World]</ref> Lö ta'ila sibai hewisa waö-waönia moroi ba da'ö ba muzawili ia ba zi sagörö danö [[Asia]] irugi ba Danö Niha.

Si mane si muŵa'ö yaŵa moguna sibai wemanga gowi börö me da'ö zabölö tesöndra ba Danö Niha. Faigi ba da'a tou oi ngawalö zoguna ba mboto si so ba ngawalö gö sasese tesöndra ba Danö Niha.<ref>https'''Wikipedia Inggris''', [[://en.wikipedia.org/wiki/:Sweet_potato#Comparison_to_other_food_staples|Sweet potatoes: Comparison to other food staples]]</ref>

Me föna gowi andrö no boto gö, si lö'ö-lö'önia fatua lö na sa fagölö mananö fakhe niha ba ginötö wamatörö [[Suharto]] ba nifotöi ''repelita''.<ref>'''Kompasiana''', [https://www.kompasiana.com/nisarangkuti/5500ae248133116619fa7b90/swasembada-beras-pada-masa-orde-baru-sebuah-perspektif-dari-sisi-enforcement-negara Swasembada Beras Pada masa Orde Baru: Sebuah perspektif dari sisi Enforcement Negara]</ref> Ba ginötö da'ö manga gowi niha ero ma'ökhö ba manga fakhe ira ha sasakali ma'ökhö. Heŵa'ae simanö mu'a gowi ua fatua lö mu'a wakhe, börö me mo'ambö-amböta wakhe ma böra ba ginötö andrö.