Sifabö'ö ba gotalua wamulö'ö "Rigi"

'''Rigi''', töi ilmiah ''Zea mays'' subspesies ''mays'', (li Indonesia ''jagung'') no sambua ba gotalua si tölu ngawalö zinanö aefa gandu, ba fakhe, si tesöndra ba mbua niambuania nifotöi [[karbohidrat]], ya'ia da'ö soguna sibai ba same fa'abölö, famanöi ba fa'owaöri mboto ba niha ba he göi ba gurifö. Khö niha ba danö Amerika Tengah ba ba Selatan, awö ösa niha ba Afrika faoma ba danö Indonesia zangoguna’ö böra rigi tobali tuho gö. Baero tobali ö, ma'ökhö te'oguna'ö göi rigi tobali ö gurifö, hamo ma tafu (li Indonesia ''tepung'') ba tobali göi fanikha.

Tanömö rigi moroi ba ngawua mbua niambuania sino atua ba soköli, latanö ba danö ba molöndru tumbu ia. Fa’alawa döla niadölania nano mowua i’otarai 2m irugi 2,5m.  Fa’ara wa’auri rigi i’otarai mutanö ofeta mowua ia mato tölu waŵa irugi öfa waŵa, nano aefa da’ö oköli ba mate ia sa’e. Rigi andrö lafotöi ia sinanö si ha sakali inötö wowua (ba Li Indonesia ''tanaman semusim'').