|
Ba da'a so gangolita zinura si fakhai ba hada ba budaya:<ref>Hada (li Indonesia, ''adat'') ha sambua faosatö moroi ba nifotöi budaya. Börö da'ö fefu zinura sanandrösa ba hada no musöndra barö portal budaya.</ref>
[[Amaedola]] ● [[Amaedola ba Faosatönia]] ● [[Hoho]] ●
[[Manari]]
HENDRI HENDRI BA WAME’E / WANEMA TAHÖ
SOWATÖ
1. Andrö sibai walö sumange,
yomo ba mbanua bazowatö,
andrö sibai walöböwö,
nobohou memofanö,
mbawaulu daling mbatö.
1. TOME
Falö'ölö'öl zowanua,
falö'ölö'ö zowatö,
ba no anönö tou mbatö,
lö lala gahe zanörö,
turiami höngöhöngö,
furi zatua zisagötö.
2. SOWATÖ
Namö sa meföna,
yomo mbanu bazowatö,
hatö hohou sifadölö,
isawö manu faföfö.
2. TOME
Alöta molö zusua,
yomo mbanua ba zowatö,
hedöfi zimatu lökhö,
lö ogo’ö lö mamalö.
3. SOWATÖ
Te'öwai guaza,
ba te'öwai böhö,
baha ono'ono gaotalö,
tandrawa wokökökökö,
bambanua talifusö,
irugi zitenga bö’ö.
3. TOME
Andrö sibai magamöganö,
ya’aga banua dome,
noteturia tefaholi,
siwa nga’ötö dua mi,
lö'irai afeto li,
banumönö simöi khömi.
4. SOWATÖ.
Homombo löu ana’a,
homombo löu firö
ilili lili mazingö,
I’olembai duho tawö,
silage yawa ba mbalö,
ihagaini tou mbatö,
nomöi nönö wa’ausuö,
nomo niwau talifusö.
4. TOME
Ono geu numana,
moroi tou mbanua dome,
ba ono geu ko’o,
bamöiga matendro’ö,
raya bageu falaso danö,
lumöma na’ilau lökhö.
5. SOWATÖ.
Hana wa’ö lililili,
ya'ugö ono zalawa,
wa öfasui mbörö lali,
gafoa bazanaere hili,
zamehu nailau angi.
5. TOME
Andrö sibai magamö gamö,
ya’aga mbanua dome,
noteturia tefao höli,
gafoa bagalo’oa hili,
mafohu mbulu ladari,
mesökhi aya gosali,
tendroma zalawa hadi.
Marius Telaumbanua (A. Pasca)
== Umbu ==
<references />
|
