Ba [[Tanö Niha|danö Niha]], nifotöi sibaya andrö ba golagola niha nifosumange. Hadia mbörö? Börö me ya’ira andrö zitobali tanömö, talifusö ninada sangatumbu’ö ya’ita. Andrö börö da’ö, nifotöi sibaya asese laamaedolagöla'amaedolagö ira ba ngöfi nidanö ma zui ulu nidanö. Ya’ita ira ono mbini’öra la’amaedolagö ita idanö si so tou ma luaha nidanö. Eluahania, fetaro zibaya andrö ba abölö alaŵa moroi khoda ba fefu ita lö-tola-lö tafosumange ira. Horö sebua ba nono Niha na so zamadaö ma solaŵa sibayania
==Famosumange sibaya==
Oya lala wamosumbange sibaya. Si’oföna tefosumange ba wehede. Sidua, ba tefosumange ba gamuatada khöra. Dumadumania, na latötö lala föna nomo ma ewali nomoda gofu heza möi ira ba lö-tola-lö takaoni ira yomo ba tataha ira wemanga. Itaria ba wemanga andrö ba tenga ha si manga si to’ölö. Na so ma’ifu gokhöta, ba asese tefodiwo ira onombawi sasolosesolo ma satabö..
Na sibaya andrö awena i’ondrasi nomoda maba tefodiwo ia (tebe'e ndriwonia) bawi molo'ö goigoi si no tetatugö ba hada. Simanö zui fe’asona niafe’asonia andrö ba nomoda börö me takaoni ia, tenga sedöna dödöra samosa. Na simanö zalua ba tola manö diwo (ndriwo) bawi nifahö baö zibaya andrö abölö ebua moroi ba zito'ölö.. Dumadumania, la’ondrasi nomoda ira sibaya börö me tekaoni ira ba wa’alua walöŵa ma (te’owalu) ga’ada ma zui akhida ono alawe. Ba ginötö simanö ba tefodiwo ira bawi molo’ö goigoi hada. Tola manö tefodiwo ira bawi si öfa alisi ma töra (kira-kira 50 kg atau lebih).<ref>W. Gulö. ''Benih Yang Tumbuh XIII, Suatu Survey Menyeluruh Banua Niha Keriso Protestan di Nias.'' BNKP dan Lembaga Penelitian dan Studi Dewan Gereja-Gereja di Indonesia, Semarang 1983, nga’örö si 286</ref> Baero da’ö ba tebe’e zinemara göi molo’ö goigoi hada mbanua ba öri situmaro ira.
