Sifabö'ö ba gotalua wamulö'ö "Sibaya"

Oya lala wamosumbange sibaya. '''Si’oföna''' tefosumange ba wehede. '''Sidua''', ba tefosumange ba gamuatadagamuata nifalua khöra. Famosumange ba wehede ba sifagölö ba zato da'ö, yaia da'ö te'owai ma tefehede ira na falukha ba lala. Famosumange ba gamuata ba nifalua nono mbini'ö na i'ila zibayania. Dumadumania, na latötölatörö lala föna nomo ma ewali gofu heza möi ira ba lö-tola-lö tekaoni ira yomo ba mutaha ira wemanga. Itaria ba wemanga andrö ba tenga ha si manga si to’ölö. Na so ma’ifu gokhöta, ba asese tefodiwo ira onombawi sesolo ma satabö..

Na sibaya andrö awena i’ondrasi nomo nono mbini'önia ba tefodiwo ia (tebe'e ndriwonia) bawi molo'ö goigoi si no tetatugö ba hada. Simanö zui na fa’atoharenia ba nomo börö me takaoni ia (ira) ma tenga böbö wa edöna dödöra samosa. Na simanö zalua ba tola manö diwo (ndriwo) bawi nifahö ö zibaya andrö abölö ebua moroi ba zito'ölö. Ngenaoli si mane da'a ba alua ia na tekaoni zibaya ena'ö la'ondrasi nomo ba ginötö walöŵa (tehalö, te’owalu) nono mbini'ö ono awalwe. Ba ginötö simanö ba tefodiwo ira bawi molo’ö goigoi hada. Tola manö bawi si 4 (öfa) alisi ma töra (kira-kira 50 kg atau lebih).<ref>W. Gulö. ''Benih Yang Tumbuh XIII, Suatu Survey Menyeluruh Banua Niha Keriso Protestan di Nias.'' BNKP dan Lembaga Penelitian dan Studi Dewan Gereja-Gereja di Indonesia, Semarang 1983, nga’örö si 286</ref>