Sifabö'ö ba gotalua wamulö'ö "Fanunu Fandru"

'''Fanunu Fandru''' no töi ni'oguna'ö ba wanguma'ö Luo Wa'atumbu [[Yesu]] ma Hari Natal. Ya'ahowu Wanunu Fandru na omasi ira laŵaö Ya'ahowu Hari Natal.

Lö ta'ila sibai hewisa mböröta Wanunu Fandru ba [[Tanö Niha|Danö Niha]]. Ba hiza tola tamane börö me solohe agama [[Fa'akeriso|niha Keriso]] ba Danö Niha no tenge-tenge [[So'aya|Zo'aya]] (''misionaris'') moroi ba [[Jerman]], si lö tola lö'ö ya'ira zamörögö wangowasaini wa'atumbu Yesu andrö.

Molo'ö nisura ba wikipedia ba [[li Jerman]] tebörögö wamesindro eu (''Tannenbaum'' ba li Jerman ma ''pohon pinus'' ba [[li Indonesia]]) nifobaga-baga ba ginötö wangowasaini Wa'atumbu Zo'aya me ndröfi 1492.<ref>https://de.wikipedia.org/wiki/Weihnachtsbaum</ref> I'otarai da'ö itugu ato niha ba nahia samesindro eu andre tobali '''eu Natal''' (''Weihnachtsbaum'' ba li Jerman). Töra-töra börö me ifaraou [[Martin Luther]], samörögö [[Protestan|Gereja Protestan]], wamogaba-gaba eu Natal ba ginötö watomesa Natal andrö.<ref>https://de.wikipedia.org/wiki/Weihnachtsbaum#Popularisierung_des_Brauchs_ab_dem_18._Jahrhundert</ref>

Baero hada wanunu fandru so göi hada nahia Natal ma ''kandang Natal'' ba li Indonesia. Hada wamazökhi nahia gurifö si tobali nahia wa'atumbu Yesu no ibörögö [[Fransiskus dari Asissi]] ba [[Italia]] ba zi fagölö inötö me auri Martin Luther.<ref>https://de.wikipedia.org/wiki/Weihnachtskrippe#Geschichte</ref> Na nifogama-gama ba hada wanunu fandru eu Natal, ba nifogama-gama ba nahia Natal ba sambua '''kandra''' nahia wamaliaro ono mbiri-biri ba Mbetilekhema me föna. Ba da'ö la'oroma'ö hewisa wa'anumana Nono Zo'aya andrö me tumbu Ia ba gulidanö. Iröi nahia-Nia moroi si yaŵa ba itörö lala wa'anumana niha (Yohane 1).

So na sa hada tanö bö'ö si mane [[Sinter Klas]]<ref>https://en.wikipedia.org/wiki/Sinterklaas</ref> ba [[Father Christmas]]<ref>https://en.wikipedia.org/wiki/Father_Christmas</ref> ba tanö bö'önia na. Ba hiza ba ginötö ia'ada hada-hada wanunu fandru sibohou andre ''si tohare khöda'' töra-töra moroi ba [[Amerika Sorudu|Amerika Serikat]] abölö tobali ia lala wowöli gama-gama (''konsumerisme'' ba ''komersialisasi'' ba li Indonesia). Andrö wa ifarou niha Keriso ba zi sagörö ulidanö [[Paus Fransiskus]] "wolaŵa haga konsumerisme si oi humaga gofu heza ia ba ginötö Natal".<ref>https://dunia.tempo.co/read/1279129/paus-fransiskus-kritik-konsumerisme-jelang-natal/</ref>

Ba hiza na aila'ila ita wangoroma'ö wa niha Keriso ita, abölö fagöna na tafazökhi khöda geu Natal, börö lalau zi manö niha si fasui khöda. Ba danö [[Eropa]] lafasindro ba lafogama-gama göi geu Natal ba nomora niha si lö faduhu tödö khö Lowalangi (''ateis'' ba li Indonesia). Börö me eu Natal andrö ha gaba-gaba (''dekorasi'' ba li Indonesia) ba tenga tandara wamati.