Fatuka

Fatuka no tobali lala halöŵö ba nekhe-nekhe ba danga ba zangila fatukasa. Niha danö niha no oi monönö wangi'ila hewisa manö lala nitörö ba wangahaogö zi sambua omo. Hiza lö dozi tuka no möi ba zekola sebua sangodödögö ba wangi'ila lala watukasa. Itaria börö wa'atarö dödö ba no tobali fangi'ila si sökhi ba wangahaogö zi sambua botoŵa. Niha si fatuka, lamane ba gamaedola : adudu nomo tuka, ba aro nomo nitukaini nia. Fehede da'a lö oi atulö me mangawuli ba wa'abölö ba wanga'asogö soguna ba wakake ni tukaini. Ba ginötö ia da'a no ato zino so fangi'ila irege fefu ni baya-baya ba nomo ba danö niha, arakhagö oi niha danö niha zangahaogö. He fatukasa sangoguna'ö eu ba yamendrua sa'ae zamake kara, gawu, sime ma laŵa'ö ia omo beton lö sa'ae möi niha moroi siyefo ba wangahaogö ya'ia me ba danö niha no ato zi fatuka. Tedou ginötö, ba tedou göi wangi'ila ba lö toröi furi wa tedou fefu ngawalö ni baya-baya.