Silako köfa sihombo


Lamane göna zilako göfa sihombo na a) silö'ö-lö'önia samösa niha göna zokho (is injured), b) ebua tekiko göfa, ma c) taya göfa ma tebai ni-hubungi mato ma'ifu. La'erai alua zilako i'otarai me möi yaŵa niha ba göfa edöna möi ba nahia bö'ö irugi me möi mitou fefu niha moroi ba göfa. [1]. Sindruhunia, fehede silako, tenga simane eluaha silako börö wano göna ia fangelifi, me silako ba ngawua li niha, sigöna fangelifi, hiza i meno aluo wangabu dödö silö mudöna-döna andrö, ba no tobali fangelama ba niha, me fa'atoru göfa sihombo andre, oya mbörönia, ba fanötöna niha wa te fatalu'i'ö fefu niha wa'alua simane da'a ba ziso föna.

Angolita bulö'ö

Fa'atoru Göfa Sihombo Sriwijaya Air Fohombo 182 bulö'ö

Alua zilako da'a ba dalu nidanö Kepualaun Seribu, Indonesia me siŵa mbaŵa si sara dua ngahönö a dua wulu a sara (9 Januari 2021). Töi ma tandra göfa sihombo andrö ya'ia da'ö SJ 182, Köfa sihombo da'a edöna mofanö i'otarai bandrara Sukarno Hatta numalö ba Pontianak. Köfa sihombo da'a, lö ara sibai no mohombo, ba tebai sa'ae ni-hubungi ia. Atoru ba wetaro Kepulauan Seribu fetahö Pulau Lancang faoma Pulau Laki. Fa'ato niha yaŵa, so öfa wulu a tölu (43) zatua, ba da fitu (7) ndraono, da tölu (3) nono sawuyu ba so fele ndrua (12) niha zohalöŵö ma laŵa'ö ia kru. Köfa sihombo da'a sokhö ya'ia Sriwijaya Air. Köfania tenga side-ide, no fao ia ba gangolifa göfa sebua, köfa Boeing 737-500 kode registrasi PK-CLC.[2]

Fanötöna bulö'ö

Ba zilako sino alua Indonesia ba sambua Negara abu dödö ya'ia da'ö Negara Indonesia, ba lö aetu wanötöna fefu niha ena'ö köfa sihombo si so ba naha fohombo (penerbangan) tola la fa'anö ira nasa ba wangehaoga ngawalö zoguna ba wohombo zisambua köfa andrö simane sino la tatugöi ira famareta so urusi fetaro köfa sihombo. Hiza ira sangombata sino itörö fa'abudödö ba zalua andrö ba ena'ö fa'ebolo dödö moroi ba geheha ni'amoni'ö zame'e fondrara dödö khöra. Ba si manö göi khö ndra samatörö sino molau fatolosa ba wangalui niha sifao ba göfa sihombo andrö he göi fangalui boto göfa ba fakake sifao khönia misa ba wangalui hadia sibai mbörö zilako andrö.

Umbu bulö'ö

  1. Chapter I, Definitions of Annex 13 to the Convention on International Civil Aviation. iprr.org, mufaigi me 13 Baŵa si sara 2021
  2. Iswara,Aditya Jaya (11 Baŵa si sara 2021). "Kenapa Pesawat Indonesia Sering Jatuh? Berikut Ulasan Dari Media Asing". Kompas.Com, mufaigi me 13 Baŵa si sara 2021