Spesies
Spesies no sauri ba danö sangiagö bosi fondrege tou bakha ba wamöfö'ö fefu zauri ba danö nifotöi taksonomi bakha ba mbolo biologi (faigi gambara ba nga'örö andre). Fefu gaurifö ma sinumbua si fagölö tefaböbö ba zi sambua spesies. Duma-dumania Mao (Felis catus) no sambua spesies. So zanguma'ö, dane-dane wa tola taŵaö mao sambua spesies, ya'ia börö me na faro'a mao khö mao ba tola tumbu khöra nono mao. Bahiza abua sibai wanöndra definisi saoha simane andre.
So ngahö-ngahönö spesies ba gulidanö: so spesies zinumbua, aurifö ba fungi. Molo'ö sambua wangerai so 8–8,7 juta spesies bakha ba domain eukariota si fao bakha khönia aurifö, sinumbua ba fungi.[1][2][3]
Mato ha'uga spesies tefaböbö ira ba zi sambua genus. Duma-dumania fefu ngawalö mao simane mao nomo (Felis catus) ma zui mao gatua (Felis chaus) tefaböbö ba genus Felis.
Umbu bulö'ö
- ↑ Wilson, Edward O. (2018-03-03). "Opinion: The 8 Million Species We Don't Know". The New York Times. ISSN 0362-4331. Mufaigi me 2020-01-25.
- ↑ Borenstein, S. (2019). "UN report: Humans accelerating extinction of other species". Associated Press.
- ↑ Mora, Camilo; Tittensor, Derek P.; Adl, Sina; Simpson, Alastair G. B.; Worm, Boris (2011-08-23). "How Many Species Are There on Earth and in the Ocean?". PLOS Biology. 9 (8): e1001127. doi:10.1371/journal.pbio.1001127
. PMC 3160336 . PMID 21886479.
Wikipedia no halöŵö nifalului zato.
Tolo Wikipedia ba wanohugö wanura ya'ia, na so khöu onönöta nösi. Saohagölö.