Tolu-tolu
| Tolu-tolu | |
|---|---|
| |
| Klasifikasi ilmiah | |
| Kingdom: | |
| Filum: | |
| Kelas: | |
| Order: | |
| Famili: | |
| Genus: | |
| Spesies: | R. ferrugineus
|
| Nama binomial | |
| Rhynchophorus ferrugineus (Olivier, 1790)
| |
Omböila
Tolu-tolu, andre ba Danö Niha, asese sibai so ba geu sobou, ba li Indonesia latötöi faoma fogaoni; Kumbang sagu (Lat.: Rhynchophorus ferrugineus, larva-nia lafotöi faoma; "era" ma ulat sagu) ya'ia da'ö angolifa moroi ba dolu-tolu sozawili soya ba India ofeta Sauwa, me hulö moroi ba da'ö mbörötania. Boto dolu-tolu andre, la'a-la'ania oroyo-royo (coklat kemerahan) ba so göi zaitö ia. Sikhala dolu-tolu, so zanau ba mbawania anau föna mbawania. Larva-nia fa'ebuania so ba wa'ebua duturusebua duru danga, ba itaria so zebua moroi ba da'ö nasa. So zide-ide högö sola'a-la'a soyo, ba lelenia abe'e ma'ifu. Larva faoma tolu-tolu andre si no ebua la'a hunö saku ma empulur batang sagu si no obou. Era si no ebua fa'ebua hunö ndruria, afusi mbotonia ba oyo högö, no la'agö bakha ba hunö zaku sobou. Era saku andre göi so ia ba hunö döla nohi, akhe, uluwi, andrö wa asese lafagölösi manö döinia faoma era, ba li Indonesia lamane kumbang kelapa. Ba Indonesia, era zaku andre tobali famalala gö si tola la'a niha.[1] Era saku andre fao ba gangolifa samakiko ba zinanö ohi. La'agö ba mbute lai ba lehe-lehe nohi, aefa da'ö ara-ara ahori la'a ba tola irugi mate nohi da'ö. Niha ba Maluku faoma Suku Kamoro moroi ba Papua no to'ölö la'a gera andre, latunu, labe'e ba likhe zihulö sate ba so zimanga ba ginötö auri. La farisayoi wa era andre so khönia we ba tola möi fangabölö mboto.[2] Era da'a samakiko sinanö kurma, ohi, kelapa sawit, saku, siwalan, akhe, Ba ndröfi si 1906, era samakao sinanö ohi ba India faoma kurma me döfi si 1918. Aefa da'ö era andre numalö ba Timur Tengah me 1980 ba samakao fokabu kurma ba da'ö.[3]
Habitat
Siklus wa'auri dolu-tolu
bulö'öUrifö da'a so lima wenaeta waö-waö wa'aurinia; i'otarai; ba gadulo, larva, kepompong, pupa, ofeta tobali tolu-tolu. Fefu waö-waö siklus wa'aurinia andre, alua ba zisambua nahia, tebai ba naha sifabö'ö, simane na ba döla zaku, ba ba zaku manö, ba döla nohi, akhe ba töla geu tanöbö'ö sifao ba geu angolifa palem-paleman.[3]
Adulo
bulö'öAdulo dolu-tolu fa'anaunia so ba zi 2,6 mm ba fa'ebolo 1,1 mm sola'a-la'a safusi. Sikhalania anau-nau ma ba li Indonesia lamane; oval.[3] adulonia andre mamoto ba zi 2-3 ngaluo.[4]
Larva
bulö'öLarva sawena möi baero ba gadulo, la'a-la'ania a'usö, na no ebua aruzö-ruzö. Fa'anaunia 5 cm ba fa'ebolo 2 cm. Oroma wetaro mbawa faoma högö.[3] Urifö andre tobali larva ba zi 41-78 ngaluo ba hiza ba ginötö fa'ara da'ö, larva andre ö nia i'a mbute-bute lai sawuyu moroi ba zinanö si so ya'ia.[4]
Wikipedia no halöŵö nifalului zato.
Tolo Wikipedia ba wanohugö wanura ya'ia, na so khöu onönöta nösi. Saohagölö.
Umbu
- ↑ (Li Indonesia) Hassan Shadily Ensiklopedi Indonesia Jilid ke-4. 1984. Jakarta: Ictiar Baru- Van Hoeve dan Elsevier Publishing Projects.
- ↑ (Li Indonesia) "Sate Ulat Kumbang Sagu". Kumbang sagu. Arsip moroi versi asli irugi 2014-06-27. Mufaigi me 24 Juni 2014.
- ↑ 3,0 3,1 3,2 3,3 Encyclopedia of entomology. Capinera, John L. (edisi ke-2nd ed). Dordrecht: Springer. 2008. ISBN 978-1-4020-6359-6. OCLC 288440300.
- ↑ 4,0 4,1 "Hama Rhynchoporus ferrugineus Oliver Pada Tanaman Kelapa – Balai Penelitian Tanaman Palma" (ba li Indonesia). Arsip moroi versi asli irugi 2020-07-21. Mufaigi me 2020-07-21.
[[Kategori:Nias]