Wikipedia:Gambara amilita/10

Gambara faoma foto moroi ba mbuku nisura Elio Modigliani sotöi Un Viaggio a Nias (Fofanö ba Nias)

Elio Modigliani möi ba Danö Niha me ndröfi 1886 ba wangowuloi fefu zanandrösa ba wangi'ila Nono Niha. Me no mangawuli ia ba khöra ba Firenze, Italia, isura fefu wangi'ila si no i'owuloi tobali sambua buku ilmiah si 724 nga'örö wa'awe'e-we'e. Oya ibe foto awö gambara bakha ba mbuku andrö. Sambua gambara moroi ba gotaluania, ya'ia gambara andrö si yaŵa nifotöi gambara panorama nifazökhinia me so ia ba Zirombu.