Harimbale ba Berlin, Jerman.
Harimbale ba Berlin, Jerman.

Harimbale no sambua ngaluo wogale, me owulo ndra sogale ba ngaluo ba ba zi sambua nahia si no tehonogöi, irege tola möi niha sato wowöli gofu hadia ia zoguna khöra ero migu. Laŵaö ia pasar mingguan ba Li Indonesia ma Wochenmarkt ma zui Flohmarkt ba Li Jerman.

Ba ginötö föna ha ngaluo harimbale andre ginötö wa owulo niha sato, börö da'ö möi niha tenga ha ba wowöli soguna khöra ba hiza göi ba wanöndra oya ngawalö sangomusoi'ö tödö. Börö da'ö oya zalua ba zi fasui harimbale. So zi famai bola ma voli. So zanunö-nunö ba so göi lafo wemanga. So zi famai ba so göi zangai rafe niha sato. Itaria na i so göi zikola wanunö. Börö da'ö ato niha si möi ba harimbale ena'ö tola omuso dödöra. Tola börö me fakese ba nawö-nawöra ma zui börö wamaisa ma na i börö wamadu tuo. Asese alua wa fasöndra niha ba harimbale ba si to'ölönia börö zimabu wamadu tuo ma agu. (Baso dohu-tohunia)