Wikipedia:Sura amilita/24

Tsunami (moroi ba li Jepang 津波, eluahania "lowu sebua ba labua") no salua na möi yaŵa lowu sebua ba danö sahatö ba mbewe nasi, irege tekiko fefu hadia ia zi so ba danö simane omo, lala, sinanö btn. ba tehanigö. Lowu sebua andre alua ia na so ndruru sebua barö nasi, töra-töra na mamoka danö barö nasi börö ndruru danö andrö. Itugu abölö-bölö ndruru, itugu abölö-bölö göi molö nidanö nasi si möi ba danö. So zirugi 90 km ero jam wa'abölö wofanö nidanönia. Andrö wa tola ifufu ba ihanigö gofu hadia ia, irege tola mate niha. Alua tsunami sabölö-bölö ba Aceh me 26 Desember 2004. Oya afufu nomo, sinanö ba urifö, ba oya mate niha, tenga ha ba Aceh, ba hiza ba nahia si fasui göi irugi Danö Niha. (Baso dohu-tohunia)