Wikipedia:Sura amilita/41

Köfa Agape no sambua göfa nasi sindruhu si föföna sibai lö aetu molaya ba gotaluara Gunungsitoli ba Sibolga. Föna we'aso göfa Agape, so ha'uga göfa geu side-ide si töra gurahu sebua moroi ba göfa, ba hiza lö molaya ira ero ma'ökhö, irege lö la'ila lafa'anö wofanöra niha. Agape no sindruhu köfa nasi ba molaya ia ero ma'ökhö.

Tohare göfa Agape ba Danö Niha ba mbaŵa si fitu 1965. Me ndröfi andrö la'owasaini 100 fakhe wanuriaigö Turia Somuso Tödö (injil) ba Danö Niha ira Gereja BNKP. Ba wangowasaini yubileum andrö labe'e mbuala sambua göfa ira Gereja Protestan Rheinland moroi ba Jerman khö Gereja BNKP.

Börö we'aso göfa Agape andre ato niha moroi ba Danö Niha sofanö-fanö möi ba Sumatra, he ba wowöli soguna khöra ma zui gama-gama wogalera ba he göi ba wangalui fa'auri. Ato zawu'a moroi ba Danö Niha ba wangalui fa'auri ba hulo Sumatera. (Baso dohu-tohunia)