Wikipedia:Sura amilita/43

Adu Sarambia no sambua nadu moroi ba Danö Niha si no fabö'ö moroi ba nadu tanö bö'ö. Adu andre no famokhala samösa ina si sindro ba gotalua ndraononia soya. Molo'ö nidunö-dunö lafazökhi nadu andre ba wanörötödö samösa ndra alawe si no mamalua fefu owasa sedöna mufalua götö wa'aurinia ba börö da'ö göi labe'e töinia Ina Mbanua. Baero da'ö labe'e göi töinia "awali", me irugi wondrege lakhömi niha, no i'awalisi fefu zinangea ba niha.

Ba nadu andre oroma wa no i'adölö'ö dangania si tobali tandra wa manari ia. Baero da'ö so sambua bola nafo ba dangania kambölö, ni'oguna'önia ba wangowai dome si möi ba fefu gowasa nifaluania.

Niha sato si so ba zingania kambölö ba kambera no fefu ndraono khönia ba fefu niha mbanua si no tobali ma'uwunia. (Baso dohu-tohunia)