Wikipedia:Sura amilita/44

Afia no töi geu sauri me föna ba Danö Niha. Tölania abe'e, bulunia aganau-nau ba awe'e-we'e, singa mbulunia alösö. Na mufatö ma na mutandraölö mbulunia ba möi baero hua si sökhi hulö hua wangomuhua mboto (Li Indonesia parfum). Börö da'ö asese lahalö mbulunia ira ina me föna ba wangomuhua fanikha sami si so ba mboto-boto. Lahalö sagörö mbulu gafia ba la'ungu bakha ba wanikha sami si so ba mboto-boto andrö, irege fanikha sami andrö tola lö aböu fa'önö waŵa wa'ara.

Baero da'ö bulu geu afia tola göi tobali dalu-dalu sitefengo (Li Latin epistaxis, Li Indonesia mimisan). Na tefengo niha ba lahalö mbulu gafia sawuyu, latandraölö ba lazozo nikhu sitefengo. Si to'ölönia lö ara ba tebato wendro nikhu andrö. (Baso dohu-tohunia)