Wisuda

Wisuda ba li niha, lö hadia nasa si so geluaha si ya'ia sibai. Niha ba danö niha, latötöi wa'atama faoma fehede wisuda. Asese lamane, no tama, moroi ba wehede Indonesia ya'ia da'ö tamat. Hiza börö wa'atedou ginötö ba börö göi dungö silö manö nasa sitaya ba guli danö, ba fefu niha si tama moroi ba zekola salaŵa, ba ndröfi si dua ribu a dua wulu andre, la rasoi maifu wa'awakhö-wakhö dödö, börö me dozi naha wamahaö lö barani ira wolau wisuda ba naha sebua zanga asogö fa'ato niha. Andrö wa so zamalua fa'atama ba gu'ö ba wuka. Lö tebini'ö wa aröu fabö'ö moroi ba zito'ölö.

Satua ndraono

Satua ndraono sedöna ni wisuda, hulö na afökhö sibai ba wamaigi hewisa wa'omaso dödö wa'atama ndraonora ba la fahowu'ö ira ma la wisuda ira moroi ba gambara moroi ba tivi ma ba laptop ni falua ba dalu mbanua. Ba da'a tenga ha ba ndaono si so ba Indonesia, no göi alua ba zisagörö ulidanö. Ba naha zekola sebua, ba lö hadöi lala tanöbö'ö baero wamalua wisuda ba ndraono sekolania moroi ba nomo. Ba lö mondröni ya'ira furi ba wa'omuso dödö, me lua-lua safuria ya'ia ba wamaigi iraonora no lafake toga.

Awö

Iraono sekola gofu hezo misa, ba ni wisuda ba ndröfi da'a omuso sibai dödöra ba simanö göi ndra awö, ba ginötö me no oi ba gu'ö iada'a, lö sa'ae fa abudödö me tola falukha ba gu'ö. No sambua lala ba ndröfi da'a me hewa'ae fefu ngawalö zalua lalau ba gu'ö ba hiza tola tefaudu börö me no so ba dalumbanua, tola falukha he aröu ba he fabö'ö naha.

Samalua Famaha'ö

Ba naha zamalua famaha'ö, ba ndröfi da'a fabö'ö moroi ba ndröfi sinumalö. Me ira samahaö no oya lahalö halöŵöra moroi ba nomo, ba simanö göi ba wo tamakö ndraono sekola lafalua moroi ba gu'ö, oya wa asöndru dödöra ba hiza tenga ni'odödögö me no sambua lala nitörö ba wefao ba wo alösi niha si göna tungö corona. Manötöna dödö niha fefu ba zisagörö ulidanö, hewisa na alio la fazaewe ba nono mbanua fefu dalu-dalu (vaksin) dungö, irege tola mangawuli simane sito'ölö fefu ngawalö halöŵö niha.