Wikipedia

YouTube

(Saekhu moroi ba Youtube)

YouTube no sambua mbolokha gu'ö internet si tobali nahia wamazaewe video (gambara digital saliŵa-liŵa) nifasindro me ndröfi 2005. Ba mbolokha gu'ö andre tola lafairö, lafaigi ba lafazaewe niha video.[8] Oya ngawalö video nifairö ba YouTube, so mbalö film, TV ma video musik, he video raradödö (li Inggris entertainment) ba he göi video famahaö (li Inggris educational). Baero da'ö so göi video he sanau ba sadogo-dogo nifairö ero samösa niha.

YouTube
Jenis usahaOno perusahaan
Jenis situs
Nahia wangirö'ö video
Li54 li khala-khala[1]
Tefasindro14 Februari 2005; 19 fakhe ba zi lalö (2005-02-14)
Tuhe gödo901 Cherry Avenue
San Bruno, Kalifornia, Amerika Serikat
Operasi baSagörö ulidanö (baero negara si lö manehegö YouTube)
Samasindro
TokohSusan Wojcicki (CEO)
Sektor
ProdukYouTube Premium
YouTube Music
YouTube TV
YouTube Go
PendapatanUS$19,8 billion (2020)[2]
Ina perusahaanGoogle LLC (2006–ma'ökhö)
Bolokha gu'öYouTube.com
Bosi AlexaSteady 2 (Global, January 2020)[3]
IklanGoogle AdSense
Famasura'ö töi
Tola so tola lö'ö (opsional)
  • Lö moguna mufaigi sabölö oya video; moguna ba wamairö video, wamaigi video nitandrai 18+, wamazökhö angolita video amilita (playlist), wame tandra omasi (like) ma zui lö omasi (dislike) video, wanura zöndra (comment)
Tefa'olo ba zato14 Februari 2005; 19 fakhe ba zi lalö (2005-02-14)
StatusAktif
Lisensi konten
Samairö zangokhögö hak cipta (lisensi standar); tola göi mufili Creative Commons.
Bahasa pemrogramanPython (core/API),[4] C (börö CPython), C++, Java (börö platfrom Guice),[5][6] Go,[7] JavaScript (UI)

Video nifairö ba YouTube töra oya moroi khö ndra samösa niha, bahiza so göi nifairö perusahaan media simane BBC, Vevo, Hulu, btn.[9]

Ba mbaŵa November 2006 i'öli YouTube Google ba i'otarai da'ö tobali ia ono perusahaan Google. Fa'ebua mbölinia me i'öli Google 1,6 miliar dolar Amerika. Tuhe gödonia so ba San Bruno, Kalifornia.

Famasindro

bulö'ö

YouTube andre mufasindro ba San Bruno, Kalifornia, Amerika Serikat me 2005. Datölu zangotomosi ya'ia: Chad Hurley, Steve Chen awö Jawed Karim, aefa laröi halöŵöra ba perusahaan PayPal.[10] [11] Ha döfi aefa tefasindro YouTube, i'öli ia Google ba mbaŵa sifelezara 2006 1,65 miliar dolar Amerika, irege tobali ono perusahaan Google.

 
Logo YouTube

Molo'ö nisura ngawalö media, Hurley faoma Chen zamörötaigö YouTube andre me lö lasöndra lala wamaezaewe video nihalöra ba ginötö owasa wemanga ba apartemen Chen ba San Francisco ba mböröta döfi 2005. Awöra, Karim, lö si möi ba gowasa andre ba lö itema wa no irai alua gowasa andrö. Bahiza iŵa'ö Chen wa tohare ide YouTube aefa gowasa wemanga andrö si tobali börö tohare ba gowuloa da'ö ba hulö manandraŵa ia ba iŵa'ö, lö irai alua gowuloa da'ö, ba iŵa'ö Chen wa söndra wangehaogö YouTube tohare me aefa gowasa wemanga andrö.[12]

 
Tuhe gödo YouTube ba San Bruno, Kalifornia

Tebörögö YouTube faoma sambua perusahaan teknologi nilaso faoma foko 11,5 juta dolar Amerika Serikat moroi khö Sequoia Capital i'otarai Nov 2005 irugi Apr 2006.[13] Gödo si föföna sibai so yaŵa sambua restoran Jepang faoma restoran pizza ba San Mateo, Kalifornia[14] Töi nahia nifotöi domain youtube.com tefa'olo me 14/2/2005.[15]

Video si föföna sibai mufairö ba YouTube ya'ia "Me at the zoo". Bakha ba video da'a oroma Jawed Karim, samösa ba gotalua zamasindro YouTube, si so ba kabu gurifö San Diego.[16] Video da'a lafairö me 24/4/2005 ba irugi ma'ökhö (26/2/2022) no lafaigi ia niha 222 juta kali.[17]

Famanöi

bulö'ö

Versi fanandraigö (to'ölö latötöi ia beta) YouTube tefaehagö ba Mei 2005, önö waŵa fatua lö tefasindro resmi YouTube ba Nov 2005. Ba Yul 2006 töra wa'atedou wangoguna'ö niha mbolokha gu'ö andre, irege molo'ö gangombakhata perusahaan, töra 65.000 video nifairö niha ero ma'ökhö ba töra 100 juta zi möi wamaigi video ba YouTube.[18] Molo'ö data riset pasar ni'owuloi comScore.com, No tobali YouTube sohönagö video ba gu'ö fondrege ebua ba Amerika Serikat, irege farahu khönia 43 persen mbolo pasar ba töra 14 miliar video nifaigi niha ba mbaŵa silima 2010.[19] Molo'ö YouTube ero menit tefairö video fa'anaunia fefu 60 jam ba tölu ni'o'öfa video andrö tohare moroi baero Amerika Serikat.[20][21][22] Ero waŵa so 800 juta wangondrasi unik ba YouTube.[23] Molo'ö fangerai, ba ndröfi 2007 i'oguna'ö nahia wangirö'ö video YouTube si fagölö ba wa'ebua nahia fefu nösi internet ba ndröfi 2000.[24] Molo'ö Alexa, sangera-ngerai mbosi mbolokha gu'ö ba internet, ba ndröfi 2010 YouTube no tobali bolokha gu'ö nomoro tölu fondrege asese la'ondrasi niha aefa Google ba nomero sara ba Facebook ba nomoro dua.[25] Ba mbaŵa si'önö 2008, sambua zinura ba majalah Forbes mogölöi tödö wa sinöndra YouTube me 2008 arakhagö 200 juta dolar AS moroi ba wama'ema iklan.[26] Ba ndröfi 2012 lahorigö ginötöra ya'ira si möi ba YouTube ba wamaigi video töra ambö 15 menit ero ma'ökhö, ambö moroi ba 4-5 jam nihorigö niha ba Amerika Serikat ba wamaigi TV.[23]

Me Yuni 2006 falulu halöŵö YouTube khö NBC ba wamawa iklan.[27] Ba Nov 2008 lahalö wahasara dödö YouTube, Metro-Goldwyn-Mayer, Lions Gate Entertainment, awö CBS ba wamairö film ba episode televisi safönu fa'anau yaŵa ba YouTube, inönö nahia iklan khö ndra samaigi moroi ba AS nibe'e töi "Shows". Lafalua da'a ba wamalalaŵa khö mbolokha gu'ö simane Hulu, si no mangirö'ö video moroi ba NBC, Fox (Fox Broadcasting Company) faoma Disney (Walt Disney Studios Motion Pictures).[28][29] Ba mbaŵa sifelezara 2009 ibörögö YouTube wangoroma'ö "Shows" khö ndra samaigi moroi ba Britania Raya ba so mato 4.000 ngawua acara safönu fa'anau moroi khö 60 bisnis si fao.[30] Ba mbaŵa sisara 2010, ifaehagö ba zato YouTube lala ba wosanu film,[31] ba hiza ba mböröta andre ha te'a'asogö ia ba AS, Kanada ba Britania Raya.[32][33] So töra 6.000 film si tola lasanu.[34]

Me Mar 2010 ibörögö YouTube wangoroma'ö ösi si lö mu'öli (li Indonesia gratis) fao ba da'ö 60 wamaisa kriket ba India. Molo'ö YouTube acara andre no fangoroma'ö acara olahraga fondrege ebua ba internet si föföna sibai si gratis.[35]

Me 31 Maret 2010 ifa'olo YouTube desain mbolokha si bohou ba wame ena'ö aoha wamaigi ya'ia ba ena'ö itugu ara lahorigö ginötöra niha ba mbolokha Youtube. Iŵa'ö Manajer Produk Google Shiva Rajaraman: "Moguna mangawuli ma'ifu furi ba mangehaogö fefu hadia ia."[36] Me Mei 2010 i'ombakha'ö YouTube wa i'oroma'ö töra dua miliar video ero ma'ökhö, arakhagö dua kali wa'oya zamaigi acara ba ginötö nifotöi prime time ba zi tölu TV fondrege ebua ba Amerika Serikat.[37] Me Mei 2011, itutunö YouTube wa töra tölu miliar zangondrasi YouTube ero ma'ökhö.[21] Me Yanuari 2012, iŵa'ö YouTube fa'oya zangondrasi andrö no monönö tobali öfa miliar ero ma'ökhö.[20]

Ba Oktober 2010, iröi Hurley halöŵönia tobali CEO YouTube, tobali ia penasehat perusahaan ba Salar Kamangar tobali CEO.[38]

Me April 2011, iŵa'ö James Zern, samösa teknisi program YouTube, wa 30 persen video si so YouTube no tobali fangali zi 99 persen zangondrasi mbolokha gu'ö andre. Eluahania ha 30 persen video si so ba YouTube nifaigi arakhagö fefu zangondrasi YouTube.[39]

Ba mbaŵa si felezara 2011, media sosial Google+ adölö tefakhai ba YouTube faoma fuka gu'ö Chrome, irege tola lafaigi niha video-video YouTube ba Google+.[40] Ba mbaŵa si felendrua 2011 tefa'olo ba zato khala-khala si bohou YouTube. Anösöla video mufataro ba dalu nga'örö Golayama, simane wama'anö duria ba mbolokha media sosial.[41] I'anema'ö göi te'oroma'ö versi si bohou logo YouTube si so lumö-lumö soyo sabölö ogömi. Da'a wamohouni desain si föföna sibai i'otarai Oktober 2006.[42]

YouTube ba Ono Niha

bulö'ö

Iada'e ba no tola ta'alui gofu hadia manö zi fakhai ba nono Niha yaŵa ba YouTube. Na ta'alui "Nias" ba tesöndra oya sibai ngawalö video, he nihaogö Nono Niha ba he göi niha si tenga Ono Niha.

Gofu heza so niha iada'e, he ba kota ba he ba mbanu-banua misa, asala tefakhai ira ba internet ba tola lafairö gofu hadia manö video nihalöra ba mbanua misa. Ba börö me no ato niha sangehaogö video nifairö ba YouTube (asese latötöi ira YouTuber) moroi ba Danö Niha, tola sa'ae tafaigi hadia manö zalua ba Danö Niha yaŵa ba YouTube.

Umbu

bulö'ö
  1. ↑ YouTube language versions, 15/1/2012
  2. ↑ Alphabet Inc. Form 10-K (2020), sec.gov (26/1/2021), mufaigi me 27/2/2022. ((Li Inggris))
  3. ↑ Youtube.com Traffic, Demographics and Competitors Archived 2018-12-26 at the Wayback Machine, alexa.com (11/1/2020). ((Li Inggris))
  4. ↑ Thomas Claburn, Google's Grumpy code makes Python Go, theregister.co.uk (5/1/2017), mufaigi me 27/2/2022. ((Li Inggris))
  5. ↑ Jesse Wilson, Guice Deuce, googlecode (19/5/2009), mufaigi me 27/2/2022. ((Li Inggris))
  6. ↑ YouTube Architecture, highscability.com (12/3/2008), mufaigi me 27/2/2022. ((Li Inggris))
  7. ↑ Golang Vitess: a database wrapper written in Go as used by Youtube, github.com (23/10/2018, mufaigi me 27/2/2022. ((Li Inggris))
  8. ↑ Jim Hopkins, Surprise! There's a third YouTube co-founder, usatoday.com, 10 Nov 2006, mufaigi me 26 Feb 2022. ((Li Inggris))
  9. ↑ Tim Weber, BBC strikes Google-YouTube deal, bbc.com, 2 Mar 2007, mufaigi me 26 Feb 2022. ((Li Inggris))
  10. ↑ Jefferson Graham, Video websites pop up, invite postings, usatoday.com, 21/11/2005, mufaigi me 28/7/2006. ((Li Inggris))
  11. ↑ YouTube: Sharing Digital Camera Videos, University of Illinois at Urbana-Champaign (3/12/2006), te'irö'ö ba web.archive.org, mufaigi me 26/2/2022. ((Li Inggris))
  12. ↑ John Cloud, The Gurus of YouTube, Time Magazine (16/12/2006), te'irö'ö ba web.archive.org, mufaigi me 26/2/2022. ((Li Inggris))
  13. ↑ Miguel Helft ba Matt Richtel, Venture Firm Shares a YouTube Jackpot, nytimes.com (10/10/2006), mufaigi me 26/2/2022. ((Li Inggris))
  14. ↑ Sara Kehaulani Goo, Ready for Its Close-Up, washingtonpost.com (7/10/2006), mufaigi me 26/2/2022. ((Li Inggris))
  15. ↑ Whois Record youtube.com, mufaigi me 26/2/2022
  16. ↑ Richard Alleyne, YouTube: Overnight success has sparked a backlash, telegraph.co.uk (31/7/2008), mufaigi me 26/2/2022. ((Li Inggris))
  17. ↑ Me at the zoo], youtube.com, mufaigi me 26/2/2022.
  18. ↑ YouTube serves up 100 million videos a day online, usatoday.com (16/5/2006), mufaigi me 26/2/2022. ((Li Inggris))
  19. ↑ comScore Releases May 2010 U.S. Online Video Rankings, comscore.com (27/6/2010), mufaigi me 26/2/2022. ((Li Inggris))
  20. ↑ 20,0 20,1 Alexei Oreskovic, YouTube hits 4 billion daily video views, reuters.com (23/1/2012), mufaigi me 26/2/2022. ((Li Inggris))
  21. ↑ 21,0 21,1 Shane Richmond, YouTube users uploading two days of video every minute, telegraph.co.uk (26/5/2011), mufaigi me 26/2/2022. ((Li Inggris))
  22. ↑ Eric Schmidt, Princeton Colloquium on Public & Int'l Affairs, youtube.com, mufaigi me 26/2/2022. ((Li Inggris))
  23. ↑ 23,0 23,1 John Seabrook, Streaming Dreams, newyorker.com (8/1/2012), mufaigi me 26/2/2022. ((Li Inggris))
  24. ↑ Carter Lewis, Web could collapse as video demand soars, telegraph.co.uk (7/4/2008), mufaigi me 26/2/2022. ((Li Inggris))
  25. ↑ "Alexa Traffic Rank for YouTube (three month average)". Arsip moroi versi asli irugi 2016-08-07. Mufaigi me 2021-04-24. 
  26. ↑ Quentin Hardy ba Evan Hessel, GooTube, forbes.com (22/5/2008), mufaigi me 26/2/2022. ((Li Inggris))
  27. ↑ Online Video: The Market Is Hot, but Business Models Are Fuzzy, wharton.upenn.edu (12/7/2006), mufaigi me 26/2/2022. ((Li Inggris))
  28. ↑ Brad Stone ba Brooks Barnes, MGM to Post Full Films on YouTube, nytimes.com (10/11/2008), mufaigi me 26/2/2022. ((Li Inggris))
  29. ↑ Staci D. Kramer, It's Official: Disney Joins News Corp., NBCU In Hulu; Deal Includes Some Cable Nets, washingtonpost.com (30/4/2009), mufaigi me 26/2/2022. ((Li Inggris))
  30. ↑ Katie Allen, YouTube launches UK TV section with more than 60 partners, guardian.co.uk (19/11/2009), mufaigi me 26/2/2022. ((Li Inggris))
  31. ↑ Miguel Helft, YouTube takes a small step into the film rental market, nytimes.com (21/1/2010), mufaigi me 26/2/2022. ((Li Inggris))
  32. ↑ Maggie Shiels, YouTube turns to movie rental business, bbc.co.uk (21/1/2010), mufaigi me 26/2/2022. ((Li Inggris))
  33. ↑ YouTube to offer film rentals in the UK, bbc.co.uk (7/10/2011), mufaigi me 26/2/2022. ((Li Inggris))
  34. ↑ Alexia Tsotsis, Google Partners With Sony Pictures, Universal And Warner Brothers For YouTube Movies, techcrunch.com (9/5/2011), mufaigi me 26/2/2022. ((Li Inggris))
  35. ↑ Mark Sweney, Cricket: IPL goes global with live online deal, guardian.co.uk (20/1/2010), mufaigi me 26/2/2022. ((Li Inggris))
  36. ↑ Glenn Chapman, YouTube redesigns website to keep viewers captivated, smh.com.au (1/4/2010), mufaigi me 26/2/2022. ((Li Inggris))
  37. ↑ Glenn Chapman, YouTube serving up two billion videos daily, smh.com.au (18/5/2010), mufaigi me 26/2/2022. ((Li Inggris))
  38. ↑ Hurley stepping down as YouTube chief executive, smh.com.au (30/10/2010), mufaigi me 26/2/2022. ((Li Inggris))
  39. ↑ Ben Whitelaw, Almost all YouTube views come from just 30% of films, telegraph.co.uk (20/4/2011), mufaigi me 27/2/2022. ((Li Inggris))
  40. ↑ Lance Whitney, Google+ now connects with YouTube, Chrome, cnet.com (4/11/2011), mufaigi me 27/2/2022. ((Li Inggris))
  41. ↑ YouTube's website redesign puts the focus on channels, bbc.co.uk (2/12/2011), mufaigi me 27/2/2022. ((Li Inggris))
  42. ↑ Pete Cashmore, YouTube Gets New Logo, Facelift and Trackbacks – Growing Fast!, mashable.com (26/10/2006), mufaigi me 27/2/2022. ((Li Inggris))
Tehalö moroi ba "https://nia.wikipedia.org/w/index.php?title=YouTube&oldid=24630"