Artidjo Alkostar
Artidjo Alkostar (tumbu ba Situbondo, Jawa Timur, me 22 Mei 1948 ba mate me 28 Februari 2021) samösa gere huku ba Indonesia. No irai tobali ia Sanguhuku Sebua (Hakim Agung) awö tobali högö Kamar Pidana Mahkamah Agung RI, sasese lafatunö niha börö gangetulania ba ba fa'afabö'ö zöndrania ba zi oya ngawalö warakaro segebua. Irugi wa'amatenia no si fao awö ia ba Dewan Pengawas Komisi Pemberantasan Korupsi.
| Artidjo Alkostar | |
|---|---|
 | |
| Tumbu | 22 Mei 1948 Kabupaten Situbondo, Jawa Timur |
| Mate | February 28, 2021 (ndröfi 72) Jakarta |
| Soi | Indonesia |
| Alma mater | Universitas Islam Indonesia Universitas Northwestern |
| Halöŵö | Advokat, Hakim Agung, Dosen |
| Fo'omo | Sri Widyaningsih |
Töinia tehöngö me i'anau'ö ginötö ba gurunga khö Angelina Sondak moroi 4 tobali 12 fakhe börö korupsi. Aefa da'ö ibe'e wanguhuku 10 waŵa khö doto Ayu börö wa'afasala wamadöhö fökhö.[1]
Inötö wa'iraono ba sekolania
bulö'öArtidjo Alkostar tumbu ba Situbondo, Jawa Timur. Ama ba inania moroi ba Sumenep, Madura. I'awalisi SMA ba Asem Bagus, Situbondo. Aefa da'ö isöndra döi SH (sarjana hukum) ba Fakultas Hukum Universitas Islam Indonesia me 1976 ba töi LLM (magister) ba Northwestern University, Chicago, Amerika Serikat me 2002.[2][3] Ba Northwestern, isura sambua disertasi sanandrösa nifotöi pengadilan hak asasi manusia ba sistem peradilan ba Indonesia.[4] No göi irai fao ia ba wamahaö si önö waŵa ndra pengacara hak asasi manusia ba Universitas Columbia.[2][5]
Karier
bulö'öTebörögö karier Artidjo Alkostar ba mbolo huku me 1976. Ba mböröta tobali ia guru ba FH UII Yogyakarta. Me ndröfi 1981, tobali ia awö Lembaga Bantuan Hukum Yogyakarta, igogohe wetaro fangali direktur (1981-1983) ba aefa da'ö direktur (1983-1989).[2] Ba ginötö da'ö göi mohalöŵö ia dua fakhe ba Human Right Watch divisi Asia ba New York. Me no mangawuli ia moroi ba Amerika, ifasindro kantor hukum Artidjo Alkostar and Associates irugi 2000. Ba ndröfi 2000 tetuyu ia tobali Hakim Agung Republik Indonesia.
Mahkamah Agung
bulö'öIbörögö kariernia Artidjo Alkostar tobali sanguhuku sebua me ndröfi 2000 irege molombase ia 22 Mei 2018. Ba zi 18 fakhe andrö no i'awalisi 19.708 warakaro ba Mahkamah Agung.[6] Oya warakaro segebua si no i'ohalöŵögöi, simane kasus proyek pusat olahraga Hambalang, fanölö impor nagole, ba fanölö ketua Mahkamah Konstitusi.[7]
Mate
bulö'öMate Artidjo ba Jakarta me 28 Februari 2021.[8]
Umbu
- ↑ Susana Rita, Artidjo Alkostar: Tak Ada Satu Profesi Pun Berada di Atas Hukum, Harian Kompas, 28 November 2013, tefaigi me 18 Desember 2013
- ↑ 2,0 2,1 2,2 Liputan6.com (2019-12-20). "Profil Artidjo Alkostar, Mantan Hakim Agung yang Jadi Dewan Pengawas KPK". liputan6.com (ba li Indonesia). Mufaigi me 2020-05-31.
- ↑ "Profil Artidjo Alkostar, Anggota Dewas KPK yang Ditakuti Koruptor saat Menjabat Hakim Agung". iNews.ID (ba li Indonesia). 2019-12-20. Mufaigi me 2020-05-31.
- ↑ Alkostar, Artidjo (2004). Pengadilan HAM, Indonesia, dan peradaban / Artidjo Alkostar. Yogyakarta: Pusham UII. ISBN 9793457031.
- ↑ Saputra, Andi (29 Mei 2018). "Sisi Lain Artidjo: Tak Pernah Cuti dan Patah Hati ke Gadis New York". detik.com. Mufaigi me 28 Februari 2021.
- ↑ Media, Kompas Cyber. "Artidjo Alkostar, 18 Tahun, 19.000 Perkara, dan Urus Kambing... Halaman all". KOMPAS.com (ba li Indonesia). Mufaigi me 2020-05-31.
- ↑ "Putusan-putusan Hakim Agung Artidjo bikin koruptor 'sekarat'". merdeka.com (ba li Inggris). Mufaigi me 2020-05-31.
- ↑ "Anggota Dewas KPK Artidjo Alkostar Meninggal Dunia". detik.com. 28 Februari 2021. Mufaigi me 28 Februari 2021.
Khai-khai baero
bulö'ö- Artidjo Alkostar di Google Scholar