Eneduana
Eneduana ma sindruhunia Enheduanna (ambö töra 2286 – 2251 föna Keriso) no samösa gere ira'alawe khö Nanna, samösa lowalangi mbaŵa, ba danö Ur, ba Irak na lafaigi iada'a, heza göi auri dania Gaberahamo. Ya'ia andre no ono khö razo Sargon moroi ba Akaddia samatörö tanö ba da'ö.[1] Tehöngö ia börö me tefa'oli ia ba gotalua ndra niha sanura ba danö Sumeria, duma-dumania moroi khönia zinura Fangalaŵa'ö Inanna awö zinura Sinunö Gosali Sumeria.[2] So ösa ba gotalua gere sangosili Assyria sangiwa tödö wa ya'ia samösa zanura oi sinura andrö. Tola manö wa niha sanura ya'ia niha bö'ö sanguŵa'ö wa ya'ia moroi khö Eneduanna. Me lakhao-khao danö ba Ur me 1927, lasöndra ira Sir Leonard Woolley sambua gara sanifi sihulö zaere, heza tesura döi Eneduana tanö furi zaere ba gambarania tobali ere tanö föna zaere.[3]
Samuza ma'ökhö la'oloi'ö ia ira niha sangalani amatöröŵa namania, bahiza i'efasi ia moroi ba danga zangosawuyu ya'ia dania talifusönia Lugal-Ane, me te'alani nuwura andrö. Isura nitörönia andrö imane, "Eneduanna ndra'o, dafahuhuo ndra'o khömi! Fangandrögu ba taŵa hörögu mangele tou hulö zangehaoni sami sanasai. Möido ba lumö ba ifönui ndra'o gawu-gawu."[4]
Umbu
bulö'ö- ↑ Black, Jeremy; Cunningham, Graham; Robson, Eleanor; Zólyomi, Gábor (2006). The Literature of Ancient Sumer. Oxford University Press. ISBN 978-0-19-929633-0.
- ↑ Westenholz, Joan Goodnick (1989). Enḫeduanna, En-Priestess, Hen of Nanna, Spouse of Nanna. In Behrens, Hermann; Loding, Darlene; Roth, Martha T. (eds.). DUMU-E-DUB-BA-A : Studies in Honor of Åke W. Sjöberg. Philadelphia, PA: The University Museum. pp. 539–556. ISBN 0-934718-98-9.
- ↑ Winter, Irene (2009). Women In Public: The Disk Of Enheduanna, The Beginning Of The Office Of En-Priestess, And The Weight Of Visual Evidence. In Winter, Irene (ed.). On Art in the Ancient Near East Volume II: From the Third Millennium BCE. Brill. nga'örö 65–84. ISBN 978-90-474-2845-9.
- ↑ Simon Sebag Montefiore, The World. A Family History, London, Widenfeld & Nicolson, 2022, nga'örö 4.