Fanolo:Lala wanura

Mama'anö sura si bohouSunting

 

  1. Ae ba Golayama, faigi nahia nifotöi Fa'anö zura si bohou. Sura ba da'ö högö zura somasi'ö ösura
  2. Fareso ena'ö högö zura tebörögö faoma hurufo sebua (huruf besar). Duma-dumania na högö zura lawendröna, fanura högö si faudu ya'ia da'ö Lawendröna, tenga lawendröna.
  3. Höndrögö tombol Fazökhi.
  4. Teboka dania zandrela editor. Faigi ena'ö andrö so ndra'ugö ba modus Fazökhi ba tenga ba Fa'anö faoma kode (no 1 ba gambara andre tou). Abölö aoha wanura ba modus Fazökhi börö me hulö wanura ba Microsoft Word ia. Dania na no onekhe'ö ba lala wanura wiki, tola ö'oguna'ö modus Fa'anö faoma kode.
  5. Na no öfa'anö zura andrö moroi ba dokumen MS Word, halö (copy) ua artikel andrö moroi bakha ba Word (Ctrl+C), awena ae ba zandrela editor, höndrögö ba nahia somasi ndra'ügö ösigö'ö nösi andrö (faigi ena'ö ö'ila tandra samö'i-mö'i) ba sigö'ö (paste) bakha (Ctrl+V).
  6. Na so zaombö dödöu höndrögö tombol wanolo (no 2 ba gambara)
  7. Sigö'ö bakha kategori. Folau ya'ia: höndrögö tombol no 3 ba gambara). Te'oroma'ö sambua zandrela, höndrögö ba Categories. Awena börö sura döi kategori ba "Add a category to this page". Te'oroma'ö ba da'ö na so döi kategori si fakhili, na lö'ö ba tenönö ia tobali kategori si bohou.
  8. Fareso ena'ö fefu högö zura fondrege alaŵa mangoguna'ö Heading (höndrögö ba menu Paragraph, no 4 ba gambara) ba högö tounia sub-heading 1, sub-heading 2 ba tanö bö'önia.
  9. Börötaigö wanura ösi zura (klik ba nahia no 5 ba gambara, irege ö'ila tandara samö'i-mö'i) ma zui ba wangehaogö sura soroi ba Word mege. Fareso nösi irege lö si fasala.
  10. Sigö'ö gumbu zura simane buku ma artikel ni'gouna'öu ba wanura sura andre. Folau ya'ia: höndrögö tombol Cite (no 6 ba gambara). Höndrögö Basic ba te'oroma'ö dania zandrela ba wanura gumbu zura. Sura gumbu zura b nahia si no tefa'anö.
  11. Na umbu zura nihalöu moroi ba internet, blok ua högö gumbu zura ba höndrögö tombol rate ba sura ma salin bakha alamat web zura andrö.
  12. Höndrögö tombol Insert ba wanigö'ö referensi andrö.
  13. Na no awai ba ae ba gahe zura ba sura Gohe-gohe ba be ia tobali Heading (no 4 ba gambara yaŵa) ba höndrögö dua kali tombol Enter ba kibor.
  14. Höndrögö tombol Insert (no 6 ba gambara) ba höndrögö ba References list (tanö si tou sibai). Ba da'a dania te'owuloi fefu gangolita pustaka zura si no ösura.
  15. Höndrögö Terbitkan halaman ma Publish changes (tanö ba gambölö no 3 ba gambara andrö yaŵa).
  16. Ba zandrela si teboka sura wurugönia zura: högö zura ma zui, na sura andre no ni'ali moroi ba Wikipedia tanö bö'ö, catatan wa sura andre moroi Wikipedia andrö ba be högö zura asli ba da'ö.
  17. Höndrögö Terbitkan halaman ma Publish page.
  18. Awai.

Mamulo'ö sambua sura si no soSunting

 

  1. Bokai ua zura ma artikel somasi'ö öbulö'ö.
  2. Höndrögö tombol Bulö'ö ba gangolita menu (ba gotalua Baso ba Bulö'ö kode).
  3. Faigi sakali tö wa ba modus Bulö'ö so ndra'ugö.
  4. Ohalöŵögöi zomasi ndra'ugö önönö ma öbulö'ö. Fareso ua sakali tö hadia no sindruhu atulö ia.
  5. Höndrögö Terbitkan perubahan (ma zui Publish changes).
  6. Ba zandrela ni'oroma'ö sura wurugönia (ringkasan) hadia nibulö'ömö. Duma-dumania, "munönö faosatö sanandrösa ba deu kara" ma zui "munönö gumbu zura" ma zui "mamazökhi si fasalah wanura" ba tanö bö'önia. Odödögö wanura wuru-furu andre, ena'ö la'ila ira editor tanö bö'ö dania hadia zi no fabö'ö ba artikel andrö.
  7. Höndrögö Terbitkan perubahan. Awai.