Hilidaura
Hillidaura no sambua desa ba Kecamatan Mandrehe Barat, Kabupaten Nias Barat. Kodenia ba wamatörö Indonesia 12.25.03.2007.[2] Banua da'e ba no sambua ba gotalua zi 14 banua si so bakha ba kecamatan Mandrehe Barat. Fa'ebolonia 2,78 km (kilo meter) ma 4,54 % moroi ba wa'ebolo kecamatan Mandrehe Barat[3]. Banua andre ba no so ia ba hili-hili si mane sifagölötö mbanua ba zi sagörö Tanö Niha. Fefu nomo no tefa'oli fatahö-tahö ba so göi zi fasaulesaule. Ewali nomo si sandrohu banua ba no tobali lala göi ia ba wamakhai omo faoma omo ba banua bö'ö si so ba zi fasui. Ba ginötö andre, Salawa ba Hilidaura, ya'ia da'ö Saŵatö Zebua.
Hilidaura | |
|---|---|
Desa | |
 Peta desa Hilidaura | |
| Negara | Indonesia |
| Provinsi | Sumatra Utara |
| Kabupaten | Nias Barat |
| Kecamatan | Mandrehe Barat |
| Fa'ebolo | |
| • Fefu | 2,78 km2 (1,1 sq mi) |
| Sowanua (2019)[1] | |
| • Fefu | 412 niha |
| • Fa'afasösö | 148,20/km2 (380/sq mi) |
| Kode pos | 22812 |
| Kode Kemendagri | 12.25.03.200 |
Banua si faola ba mbanua Hilidaura, ya'ia da'ö Mazingö tanö ba gatumbukha, Lasarabagawu ba gaekhula, Sisobandrao tanö raya ba Orahilibadalu tanö yöu. Fa'aröu Gödo Salaŵa Mbanua Hilidaura moroi ba nina mbanua kecamatan Mandrehe Barat so mato 3 kilo meter[4].
Molo'ö data Kecamatan Mandrehe Barat Dalam Angka 2019, fa'ato niha ba Mbanua Hilidaura so 410 niha. Ba gotalua da'ö so 195 ndra matua ba 215 ndra alawe[5].
Niha Mbanua
bulö'öNiha mbanua Hilidaura tola tewa'ö oi sifatalífusö manö. Oroma da'e ba mado niha mbanuasi so irugi ma'ökhö. Arakhagö fefu Niha ba Hilidaura ba ha mado Zebua. Na so mado tanöbö'ö ba lö ato ira. Si to'ölönia da'ö ha sifatewu, ma zui ira alawe nihalö tobali donga ndra matua niha mbanua Hilidaura moroi ba mbanua bö'ö. Hiza'i fa'afabö'ö madora andrö ba lö tobali taha-taha ba wariawösa ba niha mbanua börö me fetarora no tefagölösi ba niha mbanua so'arota ma sangai ya'ira.
Fangalui Niha Mbanua
bulö'öFangalui niha mbanua Hilidaura fagölö ira ba mbanua bö'ö. Ha dombua ngawalö zi tobali tötönafö niha mbanua ba wanohugö fa'auri ba he ba wamönökhi soguna tanöbö'ö, ya'ia da'ö mohalöŵö ba laza (bertani sawah) ba mogai gitö. Na so ira zohalöŵö ba danöbö'ö si mane sohalöŵö ba wamareta, sogale ba nomo ma zui ba harimbale, ba tola teŵa'ö lö ato si'ai ira.
Ungo Nidanö Sahatö
bulö'öUngo ndaö sebua ba sahatö ba Hilidaura, ya'ia da'ö Moro'ö. Hiza'i idanö andrö ba lö na sa mufa'anö ia ba gamakhaita halöŵö zamatörö ena'ö ibe'e nönö ba niha mbanua ba wangalui fa'auri simane famo'idanö laza ba tanöbö'önia. Ba ginötö deu ba itaria ebua molö irege tobali tabitabi niha mbanua na möi ira ba mbanua si yefo Moro'ö.
Famahaö ba Zikola
bulö'öBa mbanua andre ba so zikola ni'asogö wamareta, ya'iya da'ö SD ma Sekolah Dasar. Lö sisindro nasa SMP, SMA ma SMK, töratöra zikolah salaŵa nifotöi Pergurua Tinggi. Lö sana da'ö.
Agama Niha Mbanua
bulö'öBa Hilidaura so tölu ngawua gosali ba mbanua da'a. Dombua osali zi fao bakha ba Mbanua Niha Keriso Protestan ba sambua osali Katolik[6].
Hada
bulö'öNiha mbanua Hilidaura no sambua banua nga'ötö zi Lima Ina göi ira. Meföna ba banua da'ö fao ia ba Nöri Moro'ö. Börö daö, fa'auri niha mbanua ba ngawalö gamuata nifalua si mane famalua falöŵa, famazökhi omo, fame'e ono nihalö, ba lafalua da'ö molo'ö goiogoi si no lafatö'ö ira satua ba Wondrakö zi Lima Ina.
Umbu
bulö'ö- ↑ 1,0 1,1 BPS Kabupaten Nias Barat (2020), Kecamatan Mandrehe Barat Dalam Angka 2020, nga'örö 40.
- ↑ Kementerian Dalam Negeri (2019), Peraturan Menteri Dalam Negeri No.72 Tahun 2019 (PDF), nga'örö 561. (Li Indonesia)
- ↑ Kecamatan Mandrehe Barat Dalam Angka Tahun 2019, nga'örö 24
- ↑ Kecamatan Mandrehe Barat Dalam Angka Tahun 2019, nga'örö 8
- ↑ Kecamatan Mandrehe Barat Dalam Angka Tahun 2019, nga'örö 26
- ↑ Kecamatan Mandrehe Barat Dalam Angka Tahun 2019, nga'örö 40