Iraonogambö
Iraonogambö ya'ia da'ö no sambua desa ba Kecamatan Mandrehe, Kabupaten Nias Barat. Kodenia ba wamatörö Indonesia 12.25.05.2010. [3]
Iraonogambö Iraonogambo | |
|---|---|
Desa | |
 Peta desa Iraonogambö | |
| Negara | Indonesia |
| Provinsi | Sumatra Utara |
| Kabupaten | Nias Barat |
| Kecamatan | Mandrehe |
| Fa'ebolo | |
| • Fefu | 7,82 km2 (3,0 sq mi) |
| Sowanua (2019)[2] | |
| • Fefu | 1,449 niha |
| • Fa'afasösö | 185,29/km2 (480/sq mi) |
| Kode pos | 22862 |
| Kode Kemendagri | 12.25.05.2010 |
Iraonogambö andrö ba no sambua ba gotalua zi 20 banua si so bakha ba kecamatan Mandrehe. Fa'ebolonia 7,82 km (kilo meter) ma 10,08 % moroi ba wa'ebolo kecamatan Mandrehe. Banua andre ba no so ia ba hulu hili-hili simane sifagölötö mbanua ba zi sagörö Tanö Niha. Fefu nomo no tefa'oli fatahö-tahö ba so göi zi fasaule-saule. Ewali nomo si sandrohu banua ba no tobali lala göi ia ba wamakhai omo faoma omo ba banua bö'ö si so ba zi fasui.
Banua si faola ba mbanua Ndraonogambö, ya'ia da'ö Tetehösi ba Lasarabaene ba gatumbukha Fadorobahili ba gaekhula, Tuho'öwö tanö yöu ba Bawösalo'o tanö raya. Molo'ö data Mandrehe Dalam Angka 2020, fa'ato niha ba Ndraogogambö so 1.449 niha. Ba gotalua da'ö so 680 ndra matua ba 769 ndra alawe[4].
Sifao ba Wamunu Daŵa bulö'ö
Niha mbanua Ndraonogambö andrö ba no sambua ba gotalua zi tölu banua (dombua banua tanöbö'ö, ya'ia da'ö Hiligoe ba Tetehösi) zifao ba wahasara dödö ba ŵamunu Marasusi ma nifotöi Horö Daŵa[5]. Marasusi andrö ba no faosatö zamatörö Balanda ba Danö Niha nifataro ba Mbanua Lahagu. Ŵaö-ŵaö wamunu Marasusi andrö ba tefatunö ia ba zinura tanöbö'ö.
Niha Mbanua bulö'ö
Niha mbanua Ndraonogambö oi si fagölötö niha si mane ba mbanua bö'ö ba Mandrehe. Ya'ira andrö tola tewa'ö oi sifatalífusö manö. Oroma da'e ba mado niha mbanua. Arakhagö fefu Niha Ndraonogambö ha mado Gulö. Na so mado tanöbö'ö ba lö ato, mato dombua ma tölu ngambatö si mane mado Zai, Mado Hia, btn. Mado bö'ö andrö ba ha sifateŵu ira si mane ba mbanua Detehösi börö ŵamakhai si tenga bö'ö ba zi samö-samösa niha.
Umbu bulö'ö
- ↑ BPS Kabupaten Nias Barat (2020), Kecamatan Mandrehe Dalam Angka 2020, nga'örö 40.
- ↑ BPS Kabupaten Nias Barat (2020), Kecamatan Mandrehe Dalam Angka 2020, nga'örö 40.
- ↑ Peraturan Menteri Dalam Negeri No.72 Tahun 2019 (PDF), Kementerian Dalam Negeri, nga'örö 562. ((Li Indonesia))
- ↑ Kecamatan Mandrehe dalam Angka, Tahun 2020, Badan Pusat Statistik Kabupaten Nias, nga'örö 38
- ↑ Talihuku Gulö (2003), Sura Hikaya ba Amakhoita Hada Nifakhoi Zi Lima Ina ba Wondrakö Moro'ö, Tetehösi Mandrehe, dokumen pribadi, nga'örö 33