Wikipedia

Jonathan Jacob Meijer

Jonathan Jacob Meijer (tumbu me 1981 ma 1982) ya'ia da'ö no samösa niha Belanda sanura sinunö ba samuala tanömö niha (ula).[1] Toröi göi ia ba Belanda.[2] Molo'ö fangerai, irugi ndröfi 2023 no arakhagö 600 ndraono si no tumbu moroi ba gulania.[3]

Lala nitörö ba wame'e abeto ndra'alawe si lö mo'ono (nifotöi IVF). Ena'ö alua da'a moguna lafaruka gadulo ndra'alawe ba gula ndramatua bakha ba galasi sise-ise ba laboratorium

Buala ula

bulö'ö

Ibörötaigö i'amualagö gulania Meijer me 2007.[4]

Me 2017, labe'e alakha khö Meijer wo'amualagö ula ba fefu klinik si so ba danö Belanda, börö me molo'ö Dutch Society of Obstetrics and Gynaecology no sa'ae töra 100 ndraono situmbu moroi ba zi 11 klinik ba Belanda.[2][3][5] Molo'ö Dutch Donor Child Foundation, baero zi 102 ndraono situmbu moroi ba gulania nifaruka ba klinik, silö'ö-lö'önia so 80 tö nasa ndraono situmbu moroi ba ni'osara'ö Meijer ba ira satua ndraono si lö manörö klinik.[6]

Aefa labe'e alakha khönia wo'amualagö ula ba Belanda, möi Meijer wo'amualagö ulania ba klinik si so ba negara bö'ö, simane klinik Cryos International si so ba Amerika Serikat awö wa i'amualagö göi gulania khö niha bö'ö sangalui lala wamo'ono ba bolokha gu'ö[7] pribadi.[3]

Me 2023 la'angadugö ba la'ohe Meijer föna zanguhuku ira Donorkind Foundation, la'andrö ena'ö lahuku ia, börö me no isawö huku sanguma'ö wa ha tola i'amualagö gulania irege 25 ndraono situmbu, baero da'ö lalau göi da'a ba wanimbagö ena'ö böi irege mangowalu dania zi fatalifusö ba zi so föna, ya'ia da'ö niha situmbu ba zatua si fabö'ö bahiza sindruhunia no fatalifusö sa ira me tumbu ira moroi ba gula niha sisamösa.[2] Molo'ö Meijer, ilau fefu da'a ha ba wanolo ndra satua si lö ono[8] ba na lahuku ia, fagölö da'ö ba wogai niha nifakhoi negara samösa.[9] Iŵa'ö Meijer föna zanguhuku, wa lö sa'ae i'amualagö gulania khö niha bö'ö, ha khö ndra satua si no mamatumbu'ö iraonora moroi ba gulania föna da'ö.[10]

Me April 2023, i'etu'ö sanguhuku wa i'otarai da'ö sa'ae ba alakha khö Meijer wo'amualagö ula. Ba lahuku ia 100.000 Euro ero kali isawö gangetula huku andre. Baero da'ö te'etu'ö göi wa silötolalö'ö latibo'ö gulania si no te'irö'ö ba zi ha'uga klinik ba Belanda. Si tola laröi ha gula ni'andrö ndra satua ndraono si no mo'ono moroi ba gulania föna da'ö.[3] Iŵa'ö göi sanguhuku wa no ilimo ndra satua ndraono da'ö Meijer sanandrösa ba ha wa'oya ndraono si no tumbu moroi ba gulania. Börö da'ö no so ato ndraono si tobali talifusö ba ngai khöra, ba tola manö wa ba zi so föna alangu sibai dania dödö ndraono andrö na la'ila da'ö wa no si fatalifusö ira.[4]

Me 2 Juli 2023, itutunö Meijer khö program TV Fantástico moroi ba Brasil, wa sindruhu no irai ilimo ndra'alawe somasi mo'ono. I'akui göi wa no ilimo ndra satua ndraono.[11][12]

YouTube

bulö'ö

So sambua kanal YouTube khö Meijer, si so töra 4.500 zi no mamasura'ö töira, heza ifairö oi zinunö nifazökhinia.[13]

Umbu

bulö'ö
  1. ↑ Lafotöi samuala tanömö niha (li Indonesia: donor sperma) samösa niha samualagö ulania khö niha bö'ö si lö mo'ono. So ösa nahia ba gulidanö heza la'irö'ö gula niha (li Inggris: sperm bank). To'ölö möi ba da'ö zi faronga si lö ono. Asese lafotöi nono situmbu moroi ba wolau simane ono mbuli-buli (li Indonesia: bayi tabung), börö me tenga bakha ba dalu ndra'alawe faruka gula ndra matua ba adulo ndra'alawe simane sito'ölö, bahiza bakha ba mbuli-buli ba laboratorium. La'owuloi gadulo ndra'alawe ba lafaruka ia ba gula si no so khöra ba laboratorium bakha ba galasi nifotöi meföna buli-buli.
  2. ↑ 2,0 2,1 2,2 Hume, Tim (29 March 2023). "Serial Sperm Donor Taken to Court Over Incest Fears After Fathering 550 Children". Vice. Arsip moroi versi asli irugi 30 April 2023. Mufaigi me 30 April 2023. 
  3. ↑ 3,0 3,1 3,2 3,3 van Den Berg, Stephanie (28 April 2023). "Dutch court bans father of hundreds from donating sperm". Canberra Times. Reuters. Arsip moroi versi asli irugi 30 April 2023. Mufaigi me 30 April 2023. 
  4. ↑ 4,0 4,1 McGarvey, Emily (29 April 2023). "Sperm donor who fathered 550 children ordered to stop". BBC. Arsip moroi versi asli irugi 4 May 2023. Mufaigi me 2 May 2023. 
  5. ↑ "Dutch sperm donor fathers at least 102 children: RTL". Dutch News. 19 August 2017. Arsip moroi versi asli irugi 3 May 2023. Mufaigi me 30 April 2023. 
  6. ↑ Mroz, Jacqueline (1 February 2021). "The case of the serial sperm donor". The New York Times. Arsip moroi versi asli irugi 30 April 2023. Mufaigi me 30 April 2023. 
  7. ↑ Lafotöi bolokha gu'ö sambua nga'örö ba Internet heza lafa'anö ngawalö informasi niha. Lafotöi ia ba li Inggris: website, eluahania naha gu'ö galaŵa.
  8. ↑ "Dutch court orders sperm donor to stop after 550 children". Deutsche Welle. 28 April 2023. Arsip moroi versi asli irugi 2 May 2023. Mufaigi me 2 May 2023. 
  9. ↑ Stroobants, Jean-Pierre (29 April 2023). "Dutch court orders 'Superdonor' to stop donating sperm". Le Monde. Arsip moroi versi asli irugi 2 May 2023. Mufaigi me 2 May 2023. 
  10. ↑ Ferrer, Isabel (14 April 2023). "Dutch serial sperm donor: 'I am not a mad bull with an urge to procreate'". El Pais. Arsip moroi versi asli irugi 2023-04-28. Mufaigi me 2023-05-02. 
  11. ↑ "Alimentação exótica e gosto por mostrar os hábitos na web: o holandês doador de esperma que admitiu ter enganado mulheres". G1. 3 July 2023. Mufaigi me 3 July 2023. 
  12. ↑ "Holandês doador de esperma que diz ter mais de 500 filhos admite ter enganado mulheres que queriam engravidar". G1. 2 July 2023. Mufaigi me 3 July 2023. 
  13. ↑ Wen, Lok Jian (29 March 2023). "Dutch serial sperm donor who may have fathered 550 children sued over increasing risk of inbreeding". The Straits Times. Arsip moroi versi asli irugi 18 April 2023. Mufaigi me 30 April 2023. 

Khai-khai baero

bulö'ö
Tehalö moroi ba "https://nia.wikipedia.org/w/index.php?title=Jonathan_Jacob_Meijer&oldid=23155"