Meföna Me Ide-idedo

Meföna Me Ide-Idedo no sambua zinunö si tehöngö ba Danö Niha me ndröfia si-70 ni'anunöisi ndra Band Simaenaria moroi ba Lahewa. Heŵa'ae te'anunöisi ia ba li Niha, sinunö andre tenga sinunö asli Nono Niha, bahiza no sinunö nihalö moroi ba gangowula band CCR (Creedence Clearwater Revival) moroi ba Amerika Serikat. Töi zinunö asli andre Cotton Fields (kabu gafasi), nisura Huddie Ledbetter moroi ba band CCR me ndröfi 1940.

Ya'ira sifao awö bakha ba Band Simaenaria (1972-1976) andre ya'ia:

• Martin (Gadi'u) Zebua (sondrönia'ö zanunö)
• Asadin Bu'ulölö (gitar, kibord, sanunö)
• Teos Zebua (sanunö)
• Trisman Zendratö (sondrönia'ö gitar, 1972-1973)
• Winay (sondrönia'ö gitar, 1974-1976)
• Robert Tan (gitar/sanunö)
• Yusuf/Hiap (gitar/sanunö, 1973-1974)
• Ui (bas, 1972-1974)
• Kiat (bas, 1974-1976)
• Frans (drum)

Sinunö andrö no tehöngö sibai ba zisagörö Tanö Niha irege lawalinga sinunö Nono Niha ia. Bahiza simane si no tesura yaŵa, tefa'anö ia ba Amerika Serikat.

Töi zinunö

Me föna me ide-idedo
Ilu'ido inagu
Itörö tödögu ninagu

Me möiga sa ba nowima
Aröu danö ma fasui
Itörö tödögu ninagu

ref:
Si yaŵa ba hili salaŵa
So nosema si numana
Itörö tödögu ninagu
Ufaigi ufakhölödo
U'ila nasi ba zaröu
Itörö tödögu ninagu

Faigi göi

• Sinunö Pop ba Turia Somusodödö
• Sinunö Nias ba Inkulturasi Gereja
• Mardiana ba Fa'amuzaewe Zinunö Pop ba Danö Niha
• Band Simaenaria
• Bate'e Brothers
• Potret Musisi Nias: Yas Harefa
• Potret Musisi Nias: Man Harefa
• Potret Musisi Nias: Havino S. Duha

Basoŵa

• Band Simaenaria Lahewa, blog Klaus Sturm, mufaigi me 13/05/2024. (Li Indonesia)
• Lagu-Lagu Nostalgia di YouTube, blog Klaus Sturm, mufaigi me 13/05/2024. (Li Indonesia)

Khai-khai baero

• Meföna Me Ide-Idedo (YouTube)
• Sinunö Band Simaenaria (YouTube)
• Mengenang Musik Nias Band Simaenaria mufaigi me 14/05/2024. (Li Indonesia)