Onozalukhuyöu
Onozalukhuyöu no sambua desa ba Kecamatan Moro'ö, Kabupaten Nias Barat. Kodenia ba wamatörö Indonesia 12.25.04.2010.[2]
Onozalukhuyöu Onozalukhu You | |
|---|---|
Desa | |
 Peta desa Onozalukhuyöu | |
| Negara | Indonesia |
| Provinsi | Sumatra Utara |
| Kabupaten | Nias Barat |
| Kecamatan | Moro'ö |
| Fa'ebolo | |
| • Fefu | 3,78 km2 (1,5 sq mi) |
| Sowanua (2019)[1] | |
| • Fefu | 530 niha |
| • Fa'afasösö | 140,21/km2 (360/sq mi) |
| Kode pos | 22862 |
| Kode Kemendagri | 12.25.04.200 |
Banua da'e ba no sambua ba gotalua zi 10 banua si so bakha ba kecamatan Moro'ö. Fa'ebolonia 3,78 km (kilo meter) ma 7,23% moroi ba wa'ebolo kecamatan Moro'ö[3]. Banua andre ba no so ia ba dalu hili simane si fagölötö mbanua ba zi sagörö Tanö Niha. Fefu nomo no tefa'oli fatahötahö ba so göi zi fasaulesaule. Ewali nomo si sandrohu banua ba no tobali lala göi ia ba wamakhai omo faoma omo ba banua bö'ö si so ba zi fasui.
Banua si faola ba mbanua Nonozalukhu you, ya'ia da'ö Hilifadölö ba gatumbukha, Hilisörömi ba gaekhula, Sitölubanua Fadoro tanö raya, ba Orahili badalu (Mandrehe Barat) tanö yöu. Fa'aröu mbanua da'a moroi ba nina mbanua kecamatan so mato 6 kilo meter[4].
Molo'ö data Kecamatan Moro'ö Dalam Angka 2020[5], fa'ato niha ba Hilisörömi so 530 niha. Ba gotalua da'ö so 259 ndra matua ba 271 ndra alawe.
Niha Mbanua
bulö'öNiha mbanua Nonozalukhu Yöu tola tewa'ö oi sifatalífusö manö. Oroma da'e ba mado niha mbanua si so irugi ma'ökhö andre. Arakhagö fefu Niha Nonozalukhu you ba ha mado Waruwu, ba so ma'ifu Gulömado ba Hia. Na so mado tanöbö'önia ba lö ato ira. Si to'ölönia da'ö ha sifatewu ma zui ira alawe nihalö tobali donga ndra matua niha mbanua Nomozalukhu yöu moroi ba mbanua bö'ö. Hiza'i fa'afabö'ö madora andrö ba lö tobali taha-taha ba wariawösa ba niha mbanua börö me fetarora no tefagölösi ba niha mbanua so'arota ma sangai ya'ira.
Fangalui Niha
bulö'öFangalui niha mbanua Nonozalukhu Yöu fagölö ira ba mbanua bö'ö. Ha dombua ngawalö zi tobali tötönafö niha mbanua, ya'ia da'ö mohalöŵö ba laza (bertani sawah) ba mogai gitö. Na so ira zohalöŵö ba danöbö'ö si mane sohalöwö ba wamareta, sogale ba nomo ma zui ba harimbale, ba tola teŵa'ö lö ato si'ai ira.
Famahaö ba Zikola
bulö'öBa mbanua andre ba so zikola ni'asogö wamareta, ya'iya da'ö SDN ma Sekolah Dasar Negeri. Lö sisindro nasa SMP, SMA, töratöra zikolah salaŵa nifotöi Pergurua Tinggi. Lö sana da'ö.
Agama Niha Mbanua
bulö'öBa Nonozalukhu Yöu so tölu ngawua gosali si fao bakha ba Mbanua Niha Keriso Protestan.
Hada
bulö'öNiha mbanua Nonozalukhu Yöu no sambua banua nga'ötö zi Lima Ina göi ira. Meföna ba banua andre fao ia ba Nöri Moro'ö. Börö da'ö, fa'auri niha mbanua ba ngawalö gamuata nifalua si mane famalua falöŵa, famazökhi omo, fame'e ono nihalö, ba falua da'ö molo'ö goiogoi si no lafatö'ö ira satua ba Wondrakö zi Lima Ina.
Umbu
bulö'ö- ↑ 1,0 1,1 BPS Kabupaten Nias Barat (2020), Kecamatan Moroo Dalam Angka 2020, nga'örö 36.
- ↑ Peraturan Menteri Dalam Negeri No.72 Tahun 2019 (PDF), Kementerian Dalam Negeri, nga'örö 562. ((Li Indonesia))
- ↑ Kecamatan Moro'ö Dalam Angka, Tahun 2020, nga'örö 6
- ↑ ibid, nga'örö 25
- ↑ ibid, nga'örö 34