Sakramen Fondrege Ni'amoni'ö
Sakramen Fondrege Ni'amoni'ö (li Indonesia Sakramen Maha Kudus, li Inggris The Blessed Sacrament) no töi mboto ba do Keriso si so bakha ba roti ba agu nifahowu'ö bakha ba wangowasaini Ekaristi. Töi andre te'oguna'ö bakha ba Gereja Katolik ba ba gereja bö'ö simane Gereja Anglikan, Gereja Lutheran, Gereja Metodis[1] btn. Gereja sondrorogö tradisi da'a faduhu dödöra wa sindruhu so Yesu Keriso bakha ba roti ba agu si no mufahowu'ö andrö, ba börö da'ö to'ölö laröi ia bakha ba Gereja ba nahia nifotöi tabernakel. Oroma na so Sakramen Fondrege Ni'amoni'ö bakha ba zi sambua Gereja, ya'ia na lö aetu muhola wandru nifataro ba zinga tabernakel andrö.
Gereja Katolik bulö'ö
Ekaristi no fangowasaini fondrege ni'amoni'ö bakha ba Gereja Katolik. Baero wamondrondrongo ba ba wamotokhi Taromali, so nifotöi fangandrö saohagölö sebua (li Indonesia Doa Syukur Agung). Ba da'ö tefalua goroisa Yesu samösa ba wamohowu'ö roti ba agu si tobali dania boto ba do Yesu samösa. Iŵa'ö Yesu samösa, "Botogu da'e" ba "Dogu da'e".[2] Börö da'ö molo'ö teologi Katolik roti ba agu si no mufahowu'ö tenga ha roti ba agu sa'ae ba hiza no tobali boto ba ndro Keriso. Salua simane lafotöi ia bakha ba teologi transubstansiasi.
No tobali tradisi bakha ba Gereja Katolik wangirö'ö Sakramen Fondrege Ni'amoni'ö andre bakha ba Gereja ba tabernakel bongi ma'ökhö. Börö da'ö te'amoni'ö sibai na möi niha bakha ba sambua Gereja Katolik. Ba asese göi möi niha mangandrö ba ba wamolakhömi Keriso So'aya föna Sakramen Fondrege Ni'amoni'ö andrö baero ginötö wangowasaini Ekaristi.
Gereja Anglikan bulö'ö
Lö nasa sawai
Gereja Lutheran bulö'ö
Lö nasa sawai
Gereja Metodis bulö'ö
Lö nasa sawai
Basoŵa
- "Kitab Hukum Kanonik (Codex Iuris Canonici)". Libreria Editrice Vaticana. 1983.
Khai-khai baero
- The Blessed Eucharist as a Sacrament, newadvent.org (Ensiklopedi Katolik) (Li Inggris)
- Savior.org (Video siaran langsung Sakramen Fondrege Ni'amoni'ö ba savior.org)
- Faosatö 1376 Katekismus Gereja Katolik Archived 2006-02-08 at the Wayback Machine
- EWTN The Holy Eucharist, EWTN (bolokha gu'ö heza oya tesöndra wamahaö Katolik sanandrösa ba Ekaristi) (Li Inggris)
- Ritus Famahowu'ö, Gereja Katolik Yunani Melkit
Umbu bulö'ö
- ↑ The Doctrines and Discipline of the Methodist Church (ba li English). Nashville, Tennessee: The Methodist Publishing House. 1960. hlm. 522.
Ba ginötö möi bakha ba gereja, ifaköu ia sanema komuni ba ihatö'ö ia ba Sakramen Fondrege Ni'amoni'ö faoma fangandrö awö meditasi
- ↑ Faigi Mat 26:26-28; Mar 14:22-24; Luk 22:19-20; Yoh 6:48-58
Wikipedia no halöŵö nifalului zato.
Tolo Wikipedia ba wanohugö wanura ya'ia, na so khöu onönöta nösi. Saohagölö.