Sisobambowo, Mandrehe

Sisobambowo no sambua desa ba Kecamatan Mandrehe, Kabupaten Nias Barat. Kodenia ba wamatörö Indonesia 12.25.05.2020.

Sisobambowo
Desa
Negara	Indonesia
Provinsi	Sumatra Utara
Kabupaten	Nias Barat
Kecamatan	Mandrehe
Fa'ebolo
• Fefu	6,94 km2 (2,7 sq mi)
Sowanua  (2019)
• Fefu	942 niha
• Fa'afasösö	135,73/km2 (350/sq mi)
Kode pos	22862
Kode Kemendagri	12.25.05.2020

Sisobamboŵo andre ba no sambua ba gotalua zi 20 banua si so bakha ba kecamatan Mandrehe. Fa'ebolonia 6,94 km (kilo meter) ma 8,94 % moroi ba wa'ebolo kecamatan Mandrehe. Si föfö mbanua andre ba no ahatö si'ai ba zinga nungo nidanö Moro'ö, ba si föfö bö'ö ba so ba detehili. Fefu nomo sahatö ba mbewe nungo nidanö Moro'ö ba te'oli ba zinga lala sebua samahalö Kecamatan Mandrehe ba Sirombu, ba omo si so ba hili-hili oi teoli-oli göi da'ö he wa'ae so göi zi fasaule-saule si mane ba mbanua bö'ö. Banua si faola ba mbanua Sisobamboŵo, ya'ia da'ö Balöhili.

Molo'ö data Mandrehe Dalam Angka 2019, fa'ato niha ba Zisobamboŵo 942 niha. Ba gotalua da'ö so 444 ndra matua ba 498 ndra alawe. Fao ba da'ö fefu ndraono ba satua.

Niha mbanua

Si mane ba mbanua bö,ö, niha mbanua Sisobamboŵo tola tewa'ö oi sifatalífusö manö. Oroma da'e ba mado niha mbanua si so ba da'ö. Arakhagö fefu ira ha mado Hia. Na so mado tanöbö'ö ba lö ato, mato dombua ma tölu ngambatö si mane mado Zebua, Mado Gulöa, btn. Mado si fazambua-zambua andrö ha niha sifateŵu ira ba Zisobamboŵo si mane niha sifateöu ba mbanua bö'ö.

Fa'afaduhu dödö khö Lowalangi

Fefu Niha mbanua ba Zisobambowo no so agamara. Tola tewa'ö ŵa ya'ira andrö faduhu dödöra ba zangorifi boto ba noso niha molo'ö fa'afaduhu dödö Niha Keriso. Ba mbanua andrö so 3 (tölu) ngawua gosali Mbanua Niha Keriso Protestan ba 1 (sambua) Gosali Katolik.