Tolögu
Tolögu no sambua gari sasese oroma lasaitagö ba löwi-löwira ya'ira sondrönia'ö ba ginötö gowasa aefa wangai högö me föna ba Danö Niha. Tesöndra dolögu nasa irugi ma'ökhö ba mbanua simane Hilisimaetanö ba Kabupaten Nias Selatan. Tolögu no ondröita zatua ba ha ya'ira si'ulu zangokhögö ya'ia, andrö lö tesöndra ia ba ero nomo. Sifabö'ö dolögu moroi ba gari tanöbö'ö ya'ia da'ö ngawalö nifö nifa'anö faoma nue hulö bola tobali gaba-gaba ba mbörö zaembunia. Saembu dolögu tefagamöi moroi ba geu sabe'e, nifatahö ba niböbö faoma laoya awö zi'öli. Balönia no latoto faoma gambara högö gaurifö si hulö lasara. Me föna faduhu dödö niha wa so wa'abölö ba dolögu si so gaba-gaba simane. Fa'anau gari tolögu so ba zi 69,6 cm ba fa'abuania ambö töra 90 gr.[1]
Gari sofa'abölö
bulö'öMolo'ö nidunö-dunö gari tolögu andre so wa'abölö. Börö da'ö la'ohe ia ira sokhö ya'ia tobali fangöna, same khöra fa'abölö awö öba irege lö te'ala ba ginötö wasöndrata. Na fao khöra dolögu ba lö ata'u ira nudu. Töra moroi ba da'ö, gofu haniha zangokhögö gari tolögu so khönia lakhömi si töra moroi ba niha si to'ölö.
Fa'abölö dolögu so ba mbörö zaembunia. Ba da'ö tesöndra ngawalö nifö nifasösö ba sambua rago moroi ba nue. So nifö zökha ma zui nifö mbuaya. Ba mbalö gari so gambara Ni'ohosana, samösa niha sabölö ba wasuwöta ba Danö Niha me föna.[2]
Umbu
bulö'ö- ↑ Museum Pusaka Nias, Pedang Tolögu, museum-nias.org, mufaigi me 23 Februari 2021 ((Li Indonesia))
- ↑ Rahmawati, Fatimah (16 Juni 2020), Mengenal Tologu, Senjata Tradisional Nias yang Terkenal Mistis, merdeka.com, mufaigi me 23 Februari 2021 ((Li Indonesia))
Wikipedia no halöŵö nifalului zato.
Tolo Wikipedia ba wanohugö wanura ya'ia, na so khöu onönöta nösi. Saohagölö.