Wikipedia:Ngawalö Döi Niha ba Nahia ba Zura Ni'amoni'ö

Sura Ni'amoni'ö si föföna sibai si so bakha he Amabu'ulali Siföföna ba he göi Amabu'ulali Sibohou no nifa'anö Heinrich Sundermann ba muraka ia ba Amsterdam, Belanda, me 1911.

Bakha ba Zura Ni'amoni'ö andre no i'eregesi tödö Sundermann ba awönia samareso ba wombali'ö fefu döi niha ba nahia ena'ö faudu ba lela Nononiha. Börö da'ö töi niha Esau tobali Ezau, töi danö Mesir tobali Miserayi, töi mbanua Betlehem tobali Betilekhema, btn.

Ba hiza ba ginötö digital andre, me fefu wangi'ila oi no so ba mbolokha gu'ö (web/iternet) lala wanura töi simane no tobali taha-taha khö ndraono si bohou ebua ba wondrou'ö fangi'ilara. Ba ginötö digital andre, ha sambua fangöhöndrö ba tola ta'alui ba Google hadia geluaha sambua wehede ba heza so sambua nahia.

Tahalö duma-dumania Kheti (1Moze 36:1). Ba ginötö digital andre, hatö moguna tasura bakha ba wangalui Google kheti ba te'oroma'ö khöda hadia da'ö. Ba hiza na ta'alui ia ba ibe'e khöda Google geluaha kheti, ya'ia da'ö wa kheti andre no fohalöŵö ba danö ba li Sansekerta ma zui töi samösa Firaun, razo niha Mesir me föna.

No fasala lö? Eluahania fame'e töi andrö no tobali ba'a-ba'a khöda wondrou'ö fangi'ilada!

Tatötöna wa ba zi so föna lafuli la'adölö'ö oi döi niha ba nahia andre ira sama'anö Sura Ni'amoni'ö, börö me lela ndraono si bohou ebua lö sa'ae kafutö simane lela ndra satua ba tuara. No to'ölö ira ba li Indonesia ba ba li Inggris, irege lö fakaole lelara wanguma'ö Betlehem, Elisabet, Mesir btn.

Ba wangalui hadia döi niha ba nahia andrö si tola mu'alui ba gu'ö, faigi gangolita andre tou:

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z