Wikipedia:Sura amilita/28

Rigi (li Latin, Zea mays) no sara ba gotalua zi tölu ngawalö zinanö (gandru, fakhe ba rigi), khönia oya tesöndra nifotöi karbohidrat soguna sibai ba mboto, same fa'abölö, famanöi ba fa'owaöri mboto niha ba he göi ba gurifö. Khö ndra niha ba danö Amerika Tengah ba ba Amerika Selatan awö ösa niha ba Afrika faoma ba Indonesia, no tobali rigi andre awö wakhe tuho gö. Baero da'ö te'oguna'ö göi rigi tobali ö gurifö, ba hamonia (li Indonesia tepung) la'oguna'ö ba wanga'asogö fanikha. Fa'ara wa'auri rigi i'otarai mutanö ofeta mowua ia mato tölu waŵa irugi öfa waŵa. Aefa da'ö oköli ia ba mate sa'e. Börö da'ö lafotöi göi rigi sinanö si ha sakali inötö wowua (li Indonesia, tanaman semusim). (Baso dohu-tohunia)