Wikipedia:Sura amilita/30

Instagram no sambua aplikasi ba wamazaewe turia faoma foto awö video. Sambua fitur somasi-masi niha khönia ya'ia fangoguna’ö filter same'e oroma tefabö'öni gambara ma foto/video. Baero filter so göi oya efek ba instagram si tola te'oguna'ö ba wame'e sökhi sambua foto ma video, ndrege zomasi dödö zangoguna.

Bahiza Instagram töra moroi ba aplikasi wamoadu foto. Lala wohalöŵö Instagram ya'ia da'ö molo'ö-lo'ö zangoguna bö'ö ma zui la'o'ö-o'ö ita sangoguna bö'ö (li Indonesia: mengikuti ba pengikut, li Inggris: follow ba followers). Itugu ato niha solo'ö ya'ita (followers) ba itugu tehöngö ita ba gotalua fefu zangoguna ba Instagram, eluahania itugu la'ila ita sangoguna bö'ö na labokai khöra Instagram.

Fitur sasese te'oguna'ö ya'ia da'ö fangoroma'ö wa'omasi ita sambua foto (li Inggris, like), ya'ia na muhöndrögö gambara side-ide soroma hulö tödö (♥) ba gahe sambua foto ma video. Mendruamanö tola göi musura zöndra sanandrösa ba zi sambua foto/video (li Indonesia: komentar). Itugu ato niha same'e tandra wa'omasi ma zui sanura zöndra ba gahe zi sambua foto/video, itugu tehöngö foto/video andrö. I'asese'ö dania kode Instagram nifotöi algoritma wangoroma'ö foto/video andrö ba niha bö'ö si so ba Instagram. Da'ö zalua na laŵa'ö wa sambua foto/video no tobali viral, eluahania alio sibai muzawili hulö virus (Baso tohu-tohunia...)