Wikipedia:Sura amilita/32

Fökhö mbua no fökhö salua na ibörögö awuwu halöŵö mbua ba wanafi'ö fefu zi ta'unö si so ba mboto moroi ba nidanö giö si lalö ba waya. Fökhö da'e tola alua ia ba ginötö si lö arara (nifotöi akut) ba ma zui arara (nifotöi kronis).

Alua wökhö wökhö mbua si lö arara andre na mo'amböta ndro sangele ba mbua ma zui na no abobo mbua andrö börö wa'alabu niha, ma na no mesokho mbua andrö.

Fabö'ö wökhö mbua sarara. Sito'ölönia no ida'i-da'i wa'aluania, ba töra tölu waŵa wa'ara. Itugu ara itugu abölö-bölö ia ba afuriatania bua andrö tekiko, ma to'ölö laŵa'ö no irugi mbosi si lima (latötöi ia ba li Inggris: end stage renal disease).

Na no irugi mbosi si lima, ba lö tola mudalu-daluni sa'ae mbua andrö. Lö sa'ae lala wame'e ena'ö mangawuli sökhi wohalöŵönia simane meföna.

Ibörötaigö ia fökhö da'e na so wökhö gulo, na alaŵa wa'abölö-bölö wamangele ndro, ma na abao mbua, ma zui na no mokara bakha ba mbua. Baero da'ö tola göi fao khönia wökhö tanöbö'ö simane fökhö tödö, fatöra wangele ndro, fökhö döla ba ma zui fökhö wo'amböta wamangele ndro. (Baso dohu-tohunia)